Ndërlidhjet

Në Itali vazhdon të bie numri i të infektuarve nga COVID-19


Foto ilustrim, një grua ec me maskë në fytyrë në Itali.

Numri i vdekjeve nga COVID-19 në Itali ka rënë sërish në 24 orët e fundit.

Të premten autoritetet njoftuan për 570 vdekje të reja, derisa një ditë më parë kishin njoftuar për 610.

Numri i rasteve të reja me COVID-19 gjithashtu shënoi rënie, pasi u raportuan 3,951, ndërsa një ditë më parë ishin konfirmuar 4,204 raste.

Numri i përgjithshëm i vdekjeve që nga shpërthimi i pandemisë, më 21 shkurt, ka arritur në 18.849, tha Agjensia e Mbrojtjes Civile.

Gjithsej, raste të të infektuarve në këtë vend janë 147,577, shifër kjo që e rradhit Italinë pas Shteteve të Bashkuara dhe Spanjës.

Për më shumë lajme rreth koronavirusit vizitoni blogun e Radios Evropa e Lirë.

XS
SM
MD
LG