Ndërlidhjet

QKRMT kërkon ndryshime ligjore në kohën e pandemisë


Prishtinë

Qendra Kosovare për Rehabilitimin e të Mbijetuarve të Torturës (QKRMT) kërkon nga institucionet e Kosovës që të bëhen ndryshime ligjore, me qëllim të lirimit të përkohshëm apo amnistisë së të burgosurve në kohën e pandemisë së koronavirusit.

QKRMT-ja thotë se shumë vende në rajon dhe vende evropiane kanë shfrytëzuar mundësitë ligjore ekzistuese duke e adresuar këtë nevojë, ashtu që një numër i madh i të dënuarve kanë përfituar nga lirimi prej dënimit, pezullimi i dënimit, falja apo amnistia.

Kërkesa i është drejtuar Komisionit Parlamentar për Legjislacion dhe shefave të grupeve parlamentare, në mënyrë që ata t’i iniciojnë ndryshimet ligjore.

Kjo kërkesë i është dërguar edhe Ministrisë së Drejtësisë në Kosovë, e cila tani është në detyrë.

Ditë më parë është raportuar për dy gardianë të infektuar me koronavirus në burgun e Mitrovicës.

Në total, Kosova ka konfirmuar 377 raste të të infektuarve me koronavirus; 8 pacientë kanë vdekur, ndërsa 63 janë shëruar.

XS
SM
MD
LG