Ndërlidhjet

Anulohet festivali i birrës, Oktoberfest


Ilustrim

Festivali i njohur i birrës, Oktoberfest, nuk do të mbahet këtë vit në Gjermani, për shkak të pandemisë së koronavirusit.

Landi gjerman i Bavarisë njoftoi të martën se ngjarja është anuluar.

Oktoberfest do të duhej të mbahej nga data 19 shtator deri më 4 tetor.

Zakonisht, atë e vizitojnë rreth 6 milionë njerëz.

Anulimi pritet t’i japë një goditje të madhe ekonomisë së Mynihut – qytetit ku organizohet festivali.

Reuters thotë se festivali gjeneron më shumë se 1 miliard euro për Mynhun çdo vit.

Gjermania ka nisur të lehtësojë disa masa kundër koronavirusit, por ka thënë se distancimi fizik do të mbetet në fuqi.

Lexoni edhe këtë:

XS
SM
MD
LG