Numri i personave të infektuar me koronavirusin e ri ka rënë për të dytën ditë me radhë në Itali.
Deri të martën janë regjistruar 528 raste më pak në këtë shtet, duke e dërguar numrin total të të prekurve në 107,709 ka thënë Agjencia për Mbrojtje Civile në këtë vend.
Një ditë më parë, Italia ka raportuar uljen e parë të numrit të personave që janë aktivë me virus.
Numri i personave të vdekur në këtë shtet si pasojë e koronavirusit ka arritur në 24,648, që përbën rritje për 534 në 24 orët e fundit.
Kryeministri italian, Guiseppe Conte ka thënë se do të ishte e “papërgjegjshme” hapja e shtetit kur izolimi të përfundojë më 4 maj.
“Unë do të dëshiroja të deklaroja, le të hapim gjithçka. Tani. Mirëpo ky veprim do të ishte i papërgjegjshëm” ka thënë Conte përmes një postimi në rrjetin social, Facebook.
Për më shumë lajme rreth koronavirusit përcilleni blogun e Radios Evropa e Lirë.
