Ndërlidhjet

Ekonomia e Eurozonës tkurret në shkallë rekorde


Ilustrim.

Ekonomia e Eurozonës është tkurrur me ritmin më të shpejtë në çerekun e parë të këtij viti, teksa pandemia me koronavirus ka shtyrë shumë shtete të izolohen.

Vlerësimi i parë i bruto-prodhimit të brendshëm në periudhën janar-mars, ka treguar tkurrje prej 3.8 për qind më të shpejtë në krahasim me krizën financiare.

Të dhënat e publikuara për secilin shtet kanë treguar rënie të madhe të aktivitetit ekonomik në Francë dhe Spanjë në këtë periudhë kohore.

Në Gjermani, papunësia është rritur, ndonëse shifrat janë relativisht të ulta në krahasim me kombet tjera.

Të mërkurën, Shtetet e Bashkuara kanë njoftuar se ekonomia e tyre është duke u përballur me tkurrjen më të madhe për më shumë se një dekadë pasi shkalla vjetore e bruto-prodhimit të brendshëm ka rënë për 4.8 për qind.

Për më shumë lajme rreth koronavirusit përcilleni blogun e Radios Evropa e Lirë.

XS
SM
MD
LG