Ndërlidhjet

Kroacia pa asnjë rast të ri në 24 orët e fundit


Pasagjerët në Aeroportin Ndërkombëtar të Zagrebit qëndrojnë mbi shenjat e vendosura në tokë, që kanë për qëllim ruajtjen e distancës mes njerëzve.

Në Kroaci gjatë 24 orëve të fundit nuk është regjistruar asnjë rast i ri me koronavirus, ka bërë të ditur Shtabi Kombëtar i Mbrojtjes Civile.

“E 89-ta ditë që nga shfaqja e koronavirusit: 2,243 të sëmurë dhe 2,023 të shëruar. Sot i gëzohemi numrit, të cilin e kemi arritur me përgjegjësi dhe disiplinë, zero të infektuar të rinj”, ka shkruar në rrjetin social, Twitter, Ministri kroat i Shëndetësisë, Villi Berosh.

Në Kroaci deri më 23 maj, 99 pacientë kanë humbur jetën nga koronavirusi.

Aktualisht mësohet se 121 persona janë të sëmurë, ndërsa gjashtë prej tyre janë duke u trajtuar me respiratorë.

Në total, autoritetet kroate kanë testuar mbi 60,000 persona.

XS
SM
MD
LG