Ndërlidhjet

Mbi 300 pacientë të shtrirë në QKUK dhe spitale


Klinika Infektive e QKUK-së në Prishtinë
Klinika Infektive e QKUK-së në Prishtinë

Në kuadër të klinikave të Qendrës Klinike Universitare të Kosovës (QKUK) dhe spitaleve të përgjithshme në Kosovë aktualisht janë duke u mjekuar 304 pacientë të diagnostikuar me sëmundjen që e shkakton koronavirusi COVID-19.

Në njoftimin e Shërbimit Spitalor dhe Klinik Universitar të Kosovës (SHSKUK) thuhet se 176 pacientë janë të shtrirë në QKUK, ndërsa 128 në spitalet e përgjithshme.

Nga numri i përgjithshëm i pacientëve, 208 janë me oksigjenoterapi: 135 në QKUK dhe 73 në spitalet e përgjithshme.

Njëzetekatër pacientë vazhdojnë të jenë në gjendje të rënduar, nën përkujdesje intensive mjekësore, thuhet në njoftimin e SHSKUK-së.

Në Kosovë janë konfirmuar gjithsej 4,931 raste me koronavirus.

Prej tyre, 102 pacientë kanë vdekur dhe 2,267 janë shëruar.

Rastet e para me koronavirus në Kosovë janë shfaqur më 13 mars.

Të hënën, Qeveria e Kosovës ka miratuar masa shtesë për të frenuar përhapjen e koronavirusit.

Për më shumë, lexoni këtu.

XS
SM
MD
LG