Qindra migrantë në Greqi të infektuar me koronavirusin e ri

21 shtator 2020

Më shumë se 240 migrantë në një kamp të ri, të përkohshëm në ishullin grek të Lesbos, janë infektuar me koronavirusin e ri, tha të hënën Agjencia e Shëndetit Publik në Greqi.

Rezultatet dolën pas testimit të rreth 7.000 personave.

Më 8 shtator, një zjarr që shpërtheu në kampin Moria të ishullit Lesbos, detyroi 12.000 migrantë të largohen prej aty, derisa autoritetet ndërtuan me shpejtësi një kamp të ri të përkohshëm. Gjashtë të rinj afganë përballen me akuza për zjarrvënie, raporton AFP.

U desh më shumë se një javë që shumica e azilkërkuesve të ri-strehohen në kampin e ri.

Që nga marsi, kufizimet e lëvizjes në kampin Moria ishin edhe më të rrepta për shkak të pandemisë së virusit koronavirus.

Greqi: Jeta e migrantëve pas zjarrit shkatërrues

1/16 Një grua lutet, pasi është zhvendosur nga kampi i shkatërruar Moria në një kamp të përkohshëm në Lesbos të Greqisë.

2/16 Më shumë se 12.000 migrantë mbetën pa strehë dhe qasje në ushqim pasi një zjarr shkatërroi kampin e migrantëve Moria në ishullin Lesbos të Greqisë, më 9 shtator.

Autoritetet thanë se migrantët ishin fajtorë për ndezjen e zjarrit, për shkak të vendosjes së masave të karantinës, pasi 35 njerëz në kamp rezultuan pozitivë për koronavirusin e ri.<br /> — 3/16 Autoritetet thanë se migrantët ishin fajtorë për ndezjen e zjarrit, për shkak të vendosjes së masave të karantinës, pasi 35 njerëz në kamp rezultuan pozitivë për koronavirusin e ri.

4/16 Dy burra flenë pranë një kampi të ri të përkohshëm, në ishullin Lesbos, Greqi, 15 shtator.

5/16 Fotografi e bërë gjatë lutjeve në kampin e përkohshëm në Lesbos.

6/16 Migrantët gjatë ceremonisë së lutjeve në kampin e ri të përkohshëm.

7/16 Një grua e ushqen me qumësht foshnjën e saj të porsalindur derisa kanë gjetur strehë në një depo pranë një kampi të ri të përkohshëm.

8/16 Migrantët e ulur nën një strehë të improvizuar pranë çadrave të djegura në kampin e shkatërruar Moria.

9/16 Gratë bisedojnë në kampin e shkatërruar Moria.

11/16 Refugjatët dhe migrantët nga kampi i shkatërruar Moria janë parë në një plazh afër një kampi të ri të përkohshëm, në ishullin e Lesbos.

12/16 Migrantët duke u freskuar në një plazh në ishullin Lesbos.

Refugjatët dhe migrantët nga kampi i shkatërruar Moria protestojnë pranë një kampi të ri të përkohshëm, në ishullin Lesbos, Greqi, 14 shtator, 2020. Zyrtarët kanë shpallur një emergjencë katër-mujore në Lesbos dhe kanë dërguar polici shtesë në rast të trazirave. — 14/16 Refugjatët dhe migrantët nga kampi i shkatërruar Moria protestojnë pranë një kampi të ri të përkohshëm, në ishullin Lesbos, Greqi, 14 shtator, 2020. Zyrtarët kanë shpallur një emergjencë katër-mujore në Lesbos dhe kanë dërguar polici shtesë në rast të trazirave.

15/16 Një familje nga kampi i shkatërruar Moria arrin në një kamp të ri të përkohshëm.

16/16 Kushtet në të cilat jetojnë migrantët e kampit të shkatërruar Moria në Greqi.

Ministri i Migracionit në Greqi, Notis Mitarachi, të hënën i tha parlamentit se ata që janë përgjegjës për zjarrin "do të vuajnë dënimin e tyre në Greqi dhe më pas do të dëbohen".

Disa azilkërkues tani janë ankuar se në kampin e ri nuk kanë kushte themelore për banim.

Mitarachi tha se një kamp i ri "modern dhe i sigurt " do të ndërtohet në Lesbos - edhe pse zyrtarët lokalë e kundërshtojnë me forcë këtë veprim, duke kërkuar largimin e menjëhershëm të shumicës së azilkërkuesve.

Policia e Greqisë duke zhvendosur migrantët në një kamp të ri pasi kampi Moria në Lesbos u përfshi nga flakët.

SHIKONI EDHE:

Greqia po vazhdon zhvendosjen e migrantëve në një kamp të ri

Gjatë viteve të fundit Greqia ka shërbyer si një portë hyrëse për në Bashkimin Evropian, për më shumë se një milion refugjatë sirianë dhe migrantë të tjerë.

Në territorin grek aktualisht janë rreth 30.000 migrantë.

Ndërlidhjet

Na ndiqni

Qindra migrantë në Greqi të infektuar me koronavirusin e ri

Greqi: Jeta e migrantëve pas zjarrit shkatërrues

Greqia po vazhdon zhvendosjen e migrantëve në një kamp të ri