Ndërlidhjet

Rusia sulmon termocentralin më të madh bërthamor në Evropë


Termocentrali bërthamor i sulmuar nga Rusia në Zaporizhzhia të Ukrainës.
Termocentrali bërthamor i sulmuar nga Rusia në Zaporizhzhia të Ukrainës.

Në orët e para të 4 marsit, zyrtarët në Ukrainë kanë raportuar se forcat ruse kanë bombarduar një termocentral bërthamor në Zaporizhzhia të Ukrainës. Ky është termocentrali bërthamor më i madhi në Evropë.

Duke konfirmuar zjarrin, ministri i jashtëm i Ukrainës, Dmytro Kuleba, tha në Twitter se ushtria ruse "po qëllon nga të gjitha anët" në kompleksin e këtij termocentrali bërthamore.

Ai paralajmëroi se një katastrofë atje mund të ishte më e keqe se ajo e Çernobilit që ndodhi në vitin 1986.

Kuleba bëri thirrje për një ndërprerje të menjëhershme të sulmit rus për t'iu lënë zjarrfikëseve hapësirë për të shuar zjarrin.

Pas raportimeve për zjarr në këtë termocentral bërthamor, Agjencia Ndërkombëtare e Energjisë Atomike tha se është në kontakt me autoritetet ukrainase.

Kjo agjenci ka shkruar në një postim në Twitter se "është në dijeni të raportimeve për granatimet në termocentralin bërthamor Zaporizhzhia" dhe se ishte në kontakt me autoritetet ukrainase për situatën.

Pas publikimit të lajmit, presidenti i SHBA-së, Joe Biden, po ashtu ka telefonuar presidentin e Ukrainës, Volodymyr Zelensky.

Shtëpia e Bardhë ka thënë se është duke monitoruar situatën pas shpërthimit të zjarrit në këtë termocentral bërthamor.

Për informacione në kohë reale ndiqeni blogun tonë:

XS
SM
MD
LG