Qetësohet situata në Mitrovicë të Veriut

29 maj 2023

Radio Evropa e Lirë

Rreth orës 13:00 të së martës, në Mitrovicë të Veriut janë dëgjuar sirena alarmi.
Ministri i Brendshëm i Kosovës, Xhelal Sveçla, ka thënë se tre pjesëtarë të Policisë së Kosovës janë të lënduar gjatë një aksioni në veri.
Sipas tij, Policia e Kosovës në këtë aksion e ka arrestuar Milun Milenkoviq- Llune, “një nga udhëheqësit e formacionit kriminal 'Mbrojtja Civile’”.
Sipas Sveçlës, i njëjti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan para dy javësh.
Serbët lokalë kanë organizuar në tri komunat në veri të Kosovës, Zveçan, Zubin Potok dhe Leposaviq.
Ata kanë protestuar rregullisht prej 29 majit, për të kundërshtuar hyrjen e kryetarëve shqiptarë në ndërtesat komunale.

10:15 29.5.2023

Kërkesat e Rakiqit

Kryetari i Listës Serbe, Goran Rakiq, tha se janë dy kërkesa që ua ka përcjellë përfaqësuesve të KFOR-it dhe ambasadorëve të huaj në Prishtinë, në mënyrë që protestuesit serbë të tërhiqen nga ndërtesat e komunave në veri, ku edhe janë tubuar.

"Kërkesat tona janë që sherifët - siç e quajnë veten - të paligjshëm, të shkojnë në shtëpitë e tyre dhe t'i udhëheqin të afërmit e tyre. Dhe, të gjitha njësitë speciale në ndërtesën e komunës, përreth komunës, të tërhiqen në jug, sepse ky nuk është stacion policie, është bashki e qytetit", tha Rakiq, duke folur nga Zveçani.

Kryetari i Listës Serbe, Goran Rakiq (i pari në të djathtë)

"Deri në plotësimin e kërkesave tona do të qëndrojmë këtu", tha nënkryetari i Listës Serbe, Igor Simiq.

"Ne nuk do të largohemi prej këtu derisa ata të tërhiqen", shtoi ai.

09:36 29.5.2023

Pamje nga Zveçani, Zubin Potoku e Leposaviqi

Tensione në veri

1/20 Serbët duke protestuar në Zubin Potok më 29 maj.

2/20 Grupe të serbëve lokalë dhe përfaqësues të Listës Serbe - partisë kryesore të serbëve në Kosovë - të mbledhur para ndërtesës së komunës në Zveçan.

3/20 Kryetari i Listës Serbe, Goran Rakiq, duke biseduar me pjesëtarë të KFOR-it në Zveçan. Ai i ka kërkuar KFOR-it që të mos lejojë kryetarët e rinj të hyjnë në ndërtesat komunale dhe të tërhiqen pjesëtarët e Policisë së Kosovës.

4/20 Pjesëtarë të Policisë së Kosovës para ndërtesës së komunës së Zveçanit.

5/20 Pjesëtarë të Policisë së Kosovës në afërsi të ndërtesës komunale në Zveçan. Ata gjenden atje që nga 26 maji, kur u rritën tensionet në veri, pas hyrjes në ndërtesat komunale të tkryetarëve të rinj shqiptarë të Zveçanit, Leposaviqit dhe Zubin Potokut.

6/20 Policia e Kosovës ka hedhur gaz lotsjellës për të shpërndarë turmat e mbledhura në Zveçan.

7/20 Pjesëtarët e KFOR-it kanë vendosur disa gardhe metalike afër ndërtesës komunale në Leposaviq.

8/20 Një makinë e blinduar e KFOR-it në rrugët e Zubin Potokut.

9/20 KFOR ka shtuar praninë në tri komunat në veri të Kosovës.

10/20 Pjesëtarët e KFOR-it në rrugët e Leposaviqit.

11/20 Forca të shtuara të NATO-s në veri. Shefi i NATO-s, Jens Stoltenberg, i ka bërë thirrje Qeverisë së Kosovës që të mos ndërmarrë "hapa të njëanshëm dhe destabilizues".

12/20 Pjesëtar të KFOR-it në rrugët e Zubin Potokut.

13/20 Disa makina të KFOR-it para ndërtesës së komunës së Zubin Potokut.

14/20 Një autoblindë e njësive speciale të Policisë së Kosovës në rrugët e Zveçanit.

15/20 Pjrsëtarë të Policisë së Kosovës para ndërtesës së komunës së Zubin Potokut.

16/20 Autoblinda të KFOR-it në Zubin Potok.

17/20 Kordoni i sigurisë së Policisë së Kosovës para ndërtesës së komunës së Zveçanit.

19/20 Në Zveçan, janë parë makina me simbolin Z, që është përdorur nga trupat ruse gjatë pushtimit të Ukrainës dhe nga mbështetësit e Moskës.

20/20 Në një autoblindë të Policisë së Koosvës, protestuesit serbë kanë vizatuar një simbol nacionalist serb.

09:05 29.5.2023

Zeqiri e Peci në takim me Hovenierin

Kryetari i Zubin Potokut, Izmir Zeqiri, dhe ai i Zveçanit, Ilir Peci, janë parë duke shkuar në takim me ambasadorin e SHBA-së në Prishtinë, Jeffrey Hovenier.

Zeqiri dhe Peci vijnë nga radhët e Partisë Demokratike të Kosovës në opozitë.

Takimi me Hovenierin mbahet në Zyrën e Bashkimit Evropian në Prishtinë dhe pritet të ndiqet edhe nga shefi i kësaj zyre, Tomas Syzjong.

Tash për tash nuk dihet se kush tjetër prej ambasadorëve merr pjesë në takim.

08:53 29.5.2023

Daçiq: "Nuk mund të jenë kryetarë në komunat serbe"

Ministri i Punëve të Jashtme i Serbisë, Ivica Daçiq, tha se detyrë e KFOR-it është “t’i pamundësojë aktet e njëanshme të Prishtinës”, e “jo t’i pengojë punonjësit të hyjnë në ndërtesat [komunale]”.

“Tani po i ruajnë kryetarët me pretekstin e ruajtjes së paqes. Duket se po i ruajnë nga pronarët e objekteve, serbët, nga ata që punojnë atje, që janë të punësuar atje. Nuk mund të jenë kryetarë në komunat serbe, ku serbët nuk i kanë zgjedhur”, tha Daçiq për Radio-Televizionin e Serbisë.

Komuniteti serb i bojkotoi zgjedhjet e 23 prillit, nga të cilat dolën kryetarët e rinj shqiptarë të komunave me shumicë serbe: Mitrovicë e Veriut, Zveçan, Zubin Potok dhe Leposaviq.

Daçiq shtoi se forcat e armatosura të Serbisë janë në gjendje gatishmërie.

Autoritetet serbe kanë vendosur që forcat e tyre të armatosura të mbeten në nivelin më të lartë të gatishmërisë deri në një njoftim të radhës, për shkak të situatës në veri të Kosovës.

Ministri i Punëve të Jashtme i Serbisë, Ivica Daçiq.

Shfaq më shumë