Në Rumani po vazhdojnë punët për zgjerimin e bazës ajrore “Mihail Kogalniceanu”, një prej më të mëdhave të Organizatës së Traktatit të Atlantikut Verior (NATO) në Evropë. Baza ndodhet rreth 400 kilometra larg Krimesë së okupuar nga rusët dhe 100 kilometra larg kufirit të Rumanisë me Ukrainën. Rindërtimi i kompleksit ka nisur më 2022, mes pushtimit në shkallë të gjerë të Ukrainës nga Rusia, dhe pritet të vazhdojë deri më 2042. (Përgatiti: Trim Haliti)