Dy vrasje dhe një vetëvrasje në Vushtrri, një tjetër vrasje në Prishtinë. Të gjitha këto që ndodhën ditëve të fundit dyshohet se janë kryer me armë pa leje. Kryeministri i Kosovës, Albin Kurti, kërkoi veprime të menjëhershme, ndërsa ekspertët alarmojnë për numrin e lartë të armëve pa leje në duart e qytetarëve, si dhe për mungesën e efektit të dënimeve të shqiptuara nga gjyqësori.