Të hënën në Gjykatën Themelore në Prishtinë nisi shqyrtimi fillestar ndaj të akuzuarit për spiunazh dhe shantazh, Fatmir Sheholli. Në deklarimin e tij të parë para gjykatës, ai u deklarua i pafajshëm për të dy akuzat. Sheholli akuzohet se ka mbledhur dhe ka siguruar informacione për aktivitetet politike, gjendjen e sigurisë dhe funksionimin e institucioneve në Kosovë, e më pas i ka përcjellë te një zyrtar i Agjencisë së Sigurisë dhe Informacionit të Serbisë, BIA.