Ndërlidhjet

Si u zhvillua raundi i balotazhit?

Të nderuar lexues, këtu e përmbyllim mbulimin e drejtpërdrejtë të rrethit të dytë të votimeve për kryetarë të komunave.

Radio Evropa e Lirë ju falënderon që qëndruat me ne!

Vazhdoni të na ndiqni në www.evropaelire.org; në radio në emisionet e orës 09:00, 12:00, 16:00 dhe 21:00; si dhe në rrjetet sociale Facebook e Twitter.

Daka fton qytetarët të votojnë

Kryetarja e Komisionit Qendror të Zgjedhjeve, Valdete Daka, ka hedhur votën e saj në kutinë e votimit.

Ajo ka ftuar qytetarët që të ushtrojnë të drejtën e tyre për të votuar në raundin e dytë të zgjedhjeve për kryetar të komunave.

“Sot po e përmbyllim procesin e zgjedhjeve lokale 2017. Shpresoj që edhe kjo ditë të kalojë sikur edhe raundi i parë në frymën demokratike dhe fer. Ftoj qytetarët me të drejtë vote që ta shfrytëzojnë këtë të drejtë dhe të dalin të votojnë”, ka thënë Daka.

Kryetarja e Komisionit Qendror të Zgjedhjeve, Valdete Daka.
Kryetarja e Komisionit Qendror të Zgjedhjeve, Valdete Daka.

Policia garanton siguri gjatë procesit zgjedhor të balotazhit

Autoritetet e rendit në Kosovë kanë bërë të ditur se i kanë bërë përgatitjet e duhura për organizimin e zgjedhjeve lokale që mbahen sot.

“Me qëllim të ruajtjes së rendit dhe sigurisë publike, mbarëvajtjes së procesit zgjedhor për balotazh, do të angazhohen një numër i mjaftueshëm i zyrtarëve policorë të profileve të ndryshme, që iu përkasin njësiteve të ndryshme brenda Policisë së Kosovës”, thuhet në njoftimin e Policisë së Kosovës.

Policia e Kosovës
Policia e Kosovës

KQZ-ja konfirmon hapjen e të gjitha vendvotimeve

Kryetarja e Komisionit Qendror të Zgjedhjeve KQZ-së, Valdete Daka, në konferencën e parë për media, ka bërë të ditur se janë hapur me kohë të gjitha vendvotimet për raundin e dytë të zgjedhjeve që po zhvillohen në 19 komuna të Republikës e Kosovës.

“Në bazë të të dhënave të dërguara nga qendrat e votimit për të gjitha komunat e Republikës së Kosovës ku mbahen zgjedhjet, në orën 07:00 janë hapur me rregull të gjitha qendrat dhe votimit dhe vendvotimit", ka thënë Daka.

Vendvotim në Prishtinë
Vendvotim në Prishtinë

Votimet për rrethin e dytë të zgjedhjeve lokale
Ju lutem prisni

No media source currently available

0:00 0:01:37 0:00

Shfaq më shumë

Facebook Forum

XS
SM
MD
LG