Qindra mbështetës nga organizatat djathtiste dhe ultranacionaliste serbe, disa me flamuj rusë në duar, janë tubuar në qendër të Beogradit, në mbështetje të serbëve të Kosovës, për t’i kërkuar qeverisë së Serbisë të ndërhyjë në Kosovë. Protestuesit kanë valëvitur flamuj dhe kanë brohoritur “Kosova është Serbi”. Tubimi ndodhi në kohën e tensioneve të larta në veri të Kosovës, ku disa serbë lokalë kanë ngritur barrikada dhe kanë bllokuar rrugë. (Përgatiti: Trim Haliti)
Tubimi i ultranacionalistëve në Beograd në mbështetje të serbëve të Kosovës
1
Protestuesit marshuan nëpër Beograd më 12 dhjetor në mbështetje të serbëve të Kosovës, të cilët kanë ngritur barrikada në rrugët kryesore në veriun e Kosovës.
2
Protestat u nxitën nga arrestimi i policit serb të Kosovës, Dejan Pantiq, i cili ishte pjesë e dorëheqjeve në masë të serbëve, të cilët pohuan se Kosova ka shkelur marrëveshjet e ndërmjetësuara nga Bashkimi Evropian.
3
Pantiq u arrestua mbi dyshimet për terrorizëm të brendshëm, dhe u akuzua për kryerje të sulmeve ndaj Komisionit Qendror të Zgjedhjeve në veriun e Kosovës.
4
Demonstruesit duke ndezur mjete piroteknike gjatë tubimit në Beograd kundër veprimeve të autoriteteve në Kosovë.
