Ndërlidhjet

Rajonet
site logo site logo
E mëparshme E ardhshmja
Lajmi i fundit
Lajme

Abazoviq kërkon falje për deklaratën për gjenocidin në Srebrenicë

Kryeministri i Malit të Zi, Dritan Abazoviq, gjatë adresimit në Potoçari të Srebrenicës.
Kryeministri i Malit të Zi, Dritan Abazoviq, gjatë adresimit në Potoçari të Srebrenicës.

Kryeministri i Malit të Zi, Dritan Abazoviq, tha se deklarata e tij në 27-vjetorin e gjenocidit në Srebrenicë ishte “e paqartë” dhe u kërkoi falje familjarëve të viktimave.

“U kërkoj falje nënave të Srebrenicës për mendimin e shprehur në mënyrë të paqartë. Dihet se çdo vepër varet nga qëllimi i saj. Qëllimi im është paqja. Gjenocidi i kryer kundër boshnjakëve në Srebrenicë të mos përsëritet ndaj askujt”, shkroi ai në Telegram.

Kjo kërkim-falje vjen pasi familjarët e viktimave të gjenocidit, shoqatat dhe përfaqësuesit e partive politike në Mal të Zi, thanë se Abazoviq relativizoi gjenocidin në Srebrenicë.

“Gjenocidi nuk u krye kundër boshnjakëve, por kundër njerëzve, dhe nuk u krye nga ushtritë, por nga politikanët, politika e së keqes, politika e vdekjes dhe politika e mashtrimit”, tha Abazoviq, në përkujtim të 27-vjetorit të gjenocidit kundër boshnjakëve në Srebrenicë.

Pas kësaj deklarate, familjarët viktimave dhe shoqatat i kërkuan Abazoviqit që të kërkojë falje sepse definicioni i gjenocidit thotë se ai përbën “synimin për të shkatërruar plotësisht ose pjesërisht një grup kombëtar, etnik, racor apo fetar”.

Më herët gjatë 11 korrikut, shoqata “Nënat e Srebrenicës” tha se Abazoviq duhet t’iu kërkojë falje të gjithë viktimave të gjenocidit në Srebrenicë.

“Fëmijët tanë u vranë vetëm sepse ishin boshnjakë, ata u vranë nga një ushtri e organizuar. Në Potoçari nuk ka vend për relativizim të krimit”, tha kjo shoqatë përmes Twitterit.

Qendra Memoriale e Srebrenicës e falënderoi Abazoviqin, por gjithashtu kërkoi nga ai që të lexojë vendimet e gjykatave ndërkombëtare.

“Megjithatë, ndaj boshnjakëve u krye gjenocid – sepse motivi i vrasjeve nuk ishte ‘vrasja e njerëzve’, por vrasja dhe shkatërrimi i një popullo. Këtë ju mësojnë vendimet e gjykatave ndërkombëtare. Lexoni ato”, shkroi kjo qendër në Twitter.

Në kujtim të viktimave të gjenocidit...

Arkivolet me eshtrat e 50 viktimave të identifikuara së voni të gjenocidit në Srebrenicë janë renditur brenda një salle në Qendrën Përkujtimore Potoçari.
1/9 Arkivolet me eshtrat e 50 viktimave të identifikuara së voni të gjenocidit në Srebrenicë janë renditur brenda një salle në Qendrën Përkujtimore Potoçari.
Mijëra njerëz u mblodhën më 11 korrik në Srebrenicë, për të shënuar 27-vjetorin e gjenocidit të vetëm të njohur në Evropë qe nga Holokausti, si dhe për të marrë pjesë në funeralin e 50 viktimave të identifikuara së voni.
Në korrik të vitit 1995, forcat serbe të Bosnjës mblodhën dhe vranë mbi 8,000 burra dhe djem myslimanë në qytetin lindor të Srebrenicës. Ka qenë kjo vrasja më e keqe masive në Evropë qe nga Lufta e Dytë Botërore.
2/9 Në korrik të vitit 1995, forcat serbe të Bosnjës mblodhën dhe vranë mbi 8,000 burra dhe djem myslimanë në qytetin lindor të Srebrenicës. Ka qenë kjo vrasja më e keqe masive në Evropë qe nga Lufta e Dytë Botërore.
Mijëra njerëz u mblodhën më 11 korrik në Srebrenicë, për të shënuar 27-vjetorin e gjenocidit të vetëm të njohur në Evropë qe nga Holokausti, si dhe për të marrë pjesë në funeralin e 50 viktimave të identifikuara së voni.
Një grua lutet pranë arkivolit me eshtrat e një anëtari të familjes.
3/9 Një grua lutet pranë arkivolit me eshtrat e një anëtari të familjes.
Mijëra njerëz u mblodhën më 11 korrik në Srebrenicë, për të shënuar 27-vjetorin e gjenocidit të vetëm të njohur në Evropë qe nga Holokausti, si dhe për të marrë pjesë në funeralin e 50 viktimave të identifikuara së voni.
Pamje nga ajri e Qendrës Përkujtimore të Gjenocidit të Srebrenicës dhe e varreve të hapura në Potoçari.
4/9 Pamje nga ajri e Qendrës Përkujtimore të Gjenocidit të Srebrenicës dhe e varreve të hapura në Potoçari.
Mijëra njerëz u mblodhën më 11 korrik në Srebrenicë, për të shënuar 27-vjetorin e gjenocidit të vetëm të njohur në Evropë qe nga Holokausti, si dhe për të marrë pjesë në funeralin e 50 viktimave të identifikuara së voni.
Numa Jahiq (në mes) vajton pranë arkivolit me eshtrat e djalit të saj, i cili është në mesin e 50 viktimave të identifikuara së voni.
5/9 Numa Jahiq (në mes) vajton pranë arkivolit me eshtrat e djalit të saj, i cili është në mesin e 50 viktimave të identifikuara së voni.
Mijëra njerëz u mblodhën më 11 korrik në Srebrenicë, për të shënuar 27-vjetorin e gjenocidit të vetëm të njohur në Evropë qe nga Holokausti, si dhe për të marrë pjesë në funeralin e 50 viktimave të identifikuara së voni.
Edhe komandanti i ushtrisë serbe të Bosnjës gjatë kohës së luftës, Ratko Mlladiq, edhe ish-udhëheqësi politik i serbëve të Bosnjës, Radovan Karaxhiq, janë dënuar me burgim të përjetshëm nga Gjykata e OKB-së për Krime Lufte, për shkak të rolit të tyre në gjenocidin në Srebrenicë.
6/9 Edhe komandanti i ushtrisë serbe të Bosnjës gjatë kohës së luftës, Ratko Mlladiq, edhe ish-udhëheqësi politik i serbëve të Bosnjës, Radovan Karaxhiq, janë dënuar me burgim të përjetshëm nga Gjykata e OKB-së për Krime Lufte, për shkak të rolit të tyre në gjenocidin në Srebrenicë.
Mijëra njerëz u mblodhën më 11 korrik në Srebrenicë, për të shënuar 27-vjetorin e gjenocidit të vetëm të njohur në Evropë qe nga Holokausti, si dhe për të marrë pjesë në funeralin e 50 viktimave të identifikuara së voni.
Bahta Aliq qan pranë arkivolit me eshtrat e burrit të saj.
7/9 Bahta Aliq qan pranë arkivolit me eshtrat e burrit të saj.
Mijëra njerëz u mblodhën më 11 korrik në Srebrenicë, për të shënuar 27-vjetorin e gjenocidit të vetëm të njohur në Evropë qe nga Holokausti, si dhe për të marrë pjesë në funeralin e 50 viktimave të identifikuara së voni.
Masakra është cilësuar si gjenocid nga gjykatat ndërkombëtare, por zyrtarët serbë në Bosnje dhe ata në Serbi refuzojnë ta pranojnë këtë klasifikim.
8/9 Masakra është cilësuar si gjenocid nga gjykatat ndërkombëtare, por zyrtarët serbë në Bosnje dhe ata në Serbi refuzojnë ta pranojnë këtë klasifikim.
Mijëra njerëz u mblodhën më 11 korrik në Srebrenicë, për të shënuar 27-vjetorin e gjenocidit të vetëm të njohur në Evropë qe nga Holokausti, si dhe për të marrë pjesë në funeralin e 50 viktimave të identifikuara së voni.
Një grua lutet pranë monumentit me emrat e të vrarëve në gjenocidin e Srebrenicës, në Qendrën Përkujtimore në Potoçari. Deri më tani janë identifikuar dhe varrosur 6,671 persona.
9/9 Një grua lutet pranë monumentit me emrat e të vrarëve në gjenocidin e Srebrenicës, në Qendrën Përkujtimore në Potoçari. Deri më tani janë identifikuar dhe varrosur 6,671 persona.
Mijëra njerëz u mblodhën më 11 korrik në Srebrenicë, për të shënuar 27-vjetorin e gjenocidit të vetëm të njohur në Evropë qe nga Holokausti, si dhe për të marrë pjesë në funeralin e 50 viktimave të identifikuara së voni.
Previous slide
Next slide

Reagime për deklaratën e Abazoviqit ka pasur edhe nga Mali i Zi, përkatësisht nga Partia Socialdemokrate, subjekt që është pjesë e Qeverisë së pakicës së Abazoviqit.

“Kryeministri i Malit të Zi po e relativizon gjenocidin në Srebrenicë? Turp për ty Dritan”, ka shkruar deputetja e kësaj partie, Draginja Vuksanoviq-Stankoviq.

Në 27-vjetorin e Masakrës në Srebrenicë, në Qendrën Përkujtimore në Potoçari u varrosën eshtrat e 50 viktimave të gjenocidit që janë identifikuar së voni.

Forcat serbe vranë mbi 8,000 burra dhe djem myslimanë gjatë luftës së viteve ’90.

Masakra është cilësuar si mizoria më e rëndë në Evropë që prej përfundimit të Luftës së Dytë Botërore, ndërsa Gjykata Ndërkombëtare e Hagës e ka njohur si gjenocid.

​
XS
SM
MD
LG