Ish-presidenti i Kosovës, Hashim Thaçi, gjatë paraqitjes para Dhomave të Specializuara të Kosovës në Hagë më 9 nëntor 2020.

Deklarim pafajësie, akuza për ndërhyrje e përgjime: Çka ndodhi në nisje të gjykimit për pengim të drejtësisë

27 shkurt 2026 E përditësuar 3 orë më herët

Mimoza Sadiku

Në Gjykatën Speciale janë mbajtur deklaratat hyrëse në gjykimin ndaj Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit.
Të pesë të akuzuarit në rastin për pengim të drejtësisë gjatë seancës u deklaruan të pafajshëm. Prokurori publikoi disa përgjime, për të mbështetur pretendimet e saj se Thaçi ka bërë përpjekje për të ndikuar mbi dëshmitarë.
Aktakuza pretendon se për disa muaj gjatë vitit 2023 ata kanë ndikuar në çështjen gjyqësore ndaj Thaçit, dhe tre ish-eprorëve të tjerë të Ushtrisë Çlirimtare të Kosovës për krime lufte dhe krime kundër njerëzimit.
Pas deklaratave hyrëse, Prokuroria ftoi dëshmitarin e parë, të mbrojtur, i cili do të vazhdojë dëshminë javën e ardhshme.

10:14

Mbrojtja e Thaçit dhe Fazliut, pa deklarata hyrëse

Teksa jemi në pritje të nisjes së seancës në Hagë, përmes parashtrimeve të bëra ditë më parë, mbrojtja e Thaçit dhe ajo e Fazliut kanë njoftuar se nuk do të bëjë deklarata hyrëse, por do ta rezervojë të drejtën që të deklarohet më vonë gjatë procesit gjyqësor.

10:18

Shtyhet nisja e seancës

Seanca që ishte paraparë të niste në orën 09:30 - dhe që transmetohet me 45 minuta vonesë - është shtyrë për në orën 10:00, sipas Dhomave të Specializuara të Kosovës.

10:48

Nis seanca

Në Hagë ka nisur seanca e deklaratave hyrëse në rastin për pengim të drejtësisë.

10:56

Gjykatësi shpalos rastin

Gjykatësi i vetëm në këtë Christopher Gosnell, pasi kërkoi nga të gjitha ekipet të prezantoheshin, nisi të shpalos lëndën, duke treguar se aktakuza ishte njoftuar më më 29 nëntor 2024 dhe më 16 prill 2025 ishte konfirmuar, me një shtesë të përgjegjësisë penale për Thaçin.

Ai kërkoi nga ZPS të lexojë një përmbledhje të aktakuzës.

Shfaq më shumë