Ndërlidhjet

Liderët koreanë të përkushtuar për “denuklearizim të plotë”


Vizita historike e Kim Jong Un në Korenë Jugore
Ju lutem të prisni

No media source currently available

0:00 0:01:34 0:00

Vizita historike e Kim Jong Un në Korenë Jugore

Lideri verikorean Kim Jong Un dhe presidenti i Koresë së Jugut kanë thënë se janë pajtuar që të përkushtohen për denuklearizimin e Gadishullit Korean.

Kim Jong Un u bë lideri i parë i Koresë së Veriut që shkeli në territorin e Koresë së Jugut, që prej përfundimit të Luftës Koreane më 1953. Ai qëndroi sot në Korenë e Jugut ku morri pjesë në një samit historik të liderëve të të dyja shteteve.

“Koreja e Veriut dhe e Jugut konfirmuan se qëllim i përbashkët është nëpërmjet denuklearizimit të plotë, synohet një gadishull pa armë bërthamore”, thuhet në deklaratën e përbashkët.

Megjithatë, në deklaratë nuk është dhënë asnjë masë specifike që do të ndërmarrte Koreja e Veriut drejt denuklearizimit.

Dy liderët gjithashtu janë zotuar për bisedime me Shtetet e Bashkuara dhe potencialisht edhe me Kinën, me qëllim që edhe zyrtarisht t’i jepet fund Luftës Koreane.

Kim Jong Un bëhet lideri i parë verikorean që shkelë në territorin e Koresë së Jugut që prej Luftës Koreane më 1953
Kim Jong Un bëhet lideri i parë verikorean që shkelë në territorin e Koresë së Jugut që prej Luftës Koreane më 1953

Konflikti ishte ndërprerë pasi ishte nënshkruar marrëveshja e armëpushimit më 1953, por dy Koretë, teknikisht ende janë në luftë.

“Teksa qëndroj këtu sot, shoh se njerëzit e Koresë së Jugut dhe të Veriut janë të njëjtë, kanë të njëjtin gjak – ata nuk mund të ndahen”, ka thënë Kim gjatë adresimit të tij në samit.

Dy liderët janë pajtuar që presidenti jugkorean, Moon Jea-in të vizitojë Phenjanin gjatë këtij viti dhe po ashtu janë pajtuar që të hapin një zyrë të përhershme të komunikimit në qytetin verikorean Kaesong, dhe rifillimin e ribashkimit të përkohshëm të familjarëve mes dy vendeve, që janë ndarë nga lufta.

Liderët koreanë në fshatin kufitar Panmunjom
Liderët koreanë në fshatin kufitar Panmunjom

Përpara këtij takimi, Sekretari i Përgjithshëm i NATO-s, Jens Stoltenberg ka paralajmëruar se komuniteti ndërkombëtar duhet të mbajë në fuqi sanksionet ndaj Koresë së Veirut derisa të shihen “ndryshime konkrete” në veprimet e Veriut, duke shtuar se nuk duhet të ketë zbutje të presionit ndaj Phenjanit.

“Derisa të shohim ndryshime konkrete në verpimet e Koresë së Veriut, ne duhet të vazhdojmë presionin dhe sanksionet”, u ka thënë gazetarëve në Bruksel shefi i NATO-s.

Samiti – i treti pas dy takimeve të mbajtura më 200 dhe 2007 – do të pasohet me një takim në mes të Kim dhe presidentit amerikan Donald Trump, që pritet të mbahet muajin e ardhshëm ose në fillim të qershorit.

Tensionet në rajon u përshkallëzuan vitin e kaluar, pasi Koreja e Veriut kreu një sërë testesh të raketave balistike dhe teste bërthamore, ndërkaq Kim dhe Trump shkëmbyen kërcënime dhe ofendime.

Pamje nga lansimi i raketës nga Koreja e Veriut
Ju lutem të prisni

No media source currently available

0:00 0:00:50 0:00

Por, në fillim të këtij viti, Kim nisi një program të papritur diplomatik, i cili përfishnte pjesëmarrjen e Veriut në Olimpiadën Dimërore që u mbajt në Korenë e Jugut.

Në delegacionin e Koresë së Veriut ishte edhe motra e Kim, Kim Yo Jong, e cila kishte marrë pjesë në ceremoninë hapëse të Lojërave Olimpike Dimërore.

Të dy liderët mbollën një pishë që daton nga viti 1953, kur dhe armëpushimin për Luftën Koreane u nënshkrua.

Përgatiti: Mimoza Sadiku
XS
SM
MD
LG