Kosova nis procesin për hapje të fabrikës për prodhim të municioneve

27 nëntor 2024

Kryeministri i Kosovës, Albin Kurti, ka bërë të ditur se ka nisur procesin drejt hapjes së një fabrike për prodhimin e municionit dhe për laboratorë për dizajnim të fluturakeve pa pilotë, të njohur si dronë.

Në fillim të mbledhjes të së mërkurës të Qeverisë së Kosovës, Kurti bëri të ditur se është nënshkruar vendimi për themelimin e një komisioni ndërministror që ka për qëllim vlerësimin dhe nisjen e këtij procesi.

Ai tha se ky është “një hap i domosdoshëm për të garantuar zhvillimin e qëndrueshëm të ushtrisë”.

Ministri i Mbrojtjes, Ejup Maqedonci, tha se për këtë projekt janë koordinuar me partnerët ndërkombëtarë, përfshirë SHBA-në, dhe se Ministria e Mbrojtjes e Turqisë ka asistuar me një “raport fizibiliteti”.

"Për hapjen e fabrikës shtetërore të municionit, kemi pranuar një raport fizibiliteti nga Ministria e Mbrojtjes e Turqisë. Jemi në fazën e finalizimit të këtij projekti", tha Maqedonci, në një konferencë për media.

Ai shtoi se municionet e prodhuara se do të jenë sipas standardeve të NATO-s.

Presidenti i Agjencisë së Industrisë së Mbrojtjes së Turqisë, Haluk Gorgun, pritet nga kryeministri i Kosovës, Albin Kurti, në Prishtinë, 3 shtator 2024.

SHIKONI EDHE:

Kurti bisedon me shefin e industrisë turke të Mbrojtjes për mundësinë e “prodhimit të municionit”

Verën e kaluar, Kosova bleu dronë Bayraktar TB-2 nga Turqia. Kurti tha asokohe se me blerjen e tyre, Kosova “është edhe më e sigurt”, dhe shtoi se oficerët e Forcës së Sigurisë së Kosovës janë trajnuar tashmë për përdorimin e dronëve.

Se sa dronë ishin blerë, nuk ishte bërë e qartë atë kohë.

Buxheti për Ministrinë e Mbrojtjes për vitin 2025 është paraparë të jetë 207.8 milionë euro, apo 54 milionë euro më shumë sesa këtë vit.

Sot në Kosovë shënohet Dita e Forcës, që simbolizon themelimin e Forcës së Sigurisë së Kosovës (FSK). Kjo forcë u themelua më 1 janar të vitit 2009, pas shpërbërjes së Trupave Mbrojtëse të Kosovës (TMK).

"Dita e Forcës" mbledh vizitorë në kazermat e FSK-së

Në Kosovë më 27 nëntor shënohet "Dita e Forcës", që simbolizon themelimin e Forcës së Sigurisë së Kosovës (FSK). <br />
<br /> — 1/20 Në Kosovë më 27 nëntor shënohet "Dita e Forcës", që simbolizon themelimin e Forcës së Sigurisë së Kosovës (FSK).

2/20 Forca e Sigurisë e Kosovës, me rastin e "Ditës së Forcës", më 27 nëntor ka hapur dyert për vizitorët.

3/20 Vizitorët më të shumtë janë fëmijë të kopshteve dhe nxënës të shkollave të Kosovës.

4/20 Një fëmijë i veshur me veshje kombëtare duke përshëndetur një pjesëtar të FSK-së në kazermën "Adem Jashari".

5/20 Një ushtar vëzhgon teksa qëndron hipur mbi një automjet.

6/20 Forca e Sigurisë e Kosovës u themelua më 1 janar të vitit 2009, pas shpërbërjes së Trupave Mbrojtëse të Kosovës (TMK).

7/20 Dy pjesëtarë qëndrojnë mbi automjetet ushtarake të ekspozuara në "Ditën e Forcës".

8/20 Gjatë "Ditës së Forcës" vizitorët mund të shohin nga afër disa nga pajisjet ushtarake të FSK-së.

9/20 Disa fëmijë vizitorë ishin veshur me rroba kamuflazhi sikurse ushtarakët...

10/20 Pjesëtarë të FSK-së duke qëndruar pranë automjeteve ushtarake të ekspozuara për vizitorët të mërkurën e 27 nëntorit në kazermën "Adem Jashari" në Prishtinë.

11/20 Më 27 nëntor, të gjitha kazermat e FSK-së në Prishtinë, Mitrovicë, Istog, Gjilan, Prizren, Ferizaj dhe Pomozotin janë të hapura për vizitorët.

12/20 Në të gjitha kazermat e FSK-së në "Ditën e Forcës" ekspozohen dhe demonstrohen aftësitë dhe kapacitetet ushtarake të FSK-së.

FSK-ja, aktualisht, është në proces të transformimit në ushtri të rregullt. — 13/20 FSK-ja, aktualisht, është në proces të transformimit në ushtri të rregullt.

14/20 Deri në fund të procesit të transformimit, më 2028, FSK-ja pritet t’i ketë mbi 7.500 pjesëtarë aktivë dhe rezervistë nga mbi 4.000 sa i ka tani për tani.

15/20 Një ushtar i armatosur i FSK-së duke qëndruar mbi automjetin ushtarak.

16/20 Pjesëtarë të FSK-së me fytyra të ngjyrosura dhe me armë të gjata pranë automjeteve ushtarake.

Një tjetër pjesëtar i FSK-së gjatë shënimit të "Ditës së Forcës" në Prishtinë, më 27 nëntor 2024.
<div>
<div> </div>
</div> — 17/20 Një tjetër pjesëtar i FSK-së gjatë shënimit të "Ditës së Forcës" në Prishtinë, më 27 nëntor 2024.

18/20 Një ushtar duke qëndruar pranë flamurit shtetëror të Kosovës dhe flamurit të FSK-së.

<div>Ekspozimi i automjeteve transportuese, por edhe atyre të rënda ushtarake, që posedon FSK-ja.</div> — 19/20
Ekspozimi i automjeteve transportuese, por edhe atyre të rënda ushtarake, që posedon FSK-ja.

<div>Me veshje kamuflazhi e kapela me stema të UÇK-së dhe flamuj të Kosovës e Shqipërisë, këta fëmijë që kishin ardhur të organizuar për t'i parë nga afër ushtarët.</div> — 20/20
Me veshje kamuflazhi e kapela me stema të UÇK-së dhe flamuj të Kosovës e Shqipërisë, këta fëmijë që kishin ardhur të organizuar për t'i parë nga afër ushtarët.

FSK-ja është aktualisht në proces të transformimit në ushtri të rregullt. Deri në fund të këtij procesi, më 2028, FSK-ja pritet t’i ketë mbi 7.500 pjesëtarë aktivë dhe rezervistë nga mbi 4.000 sa i ka aktualisht.

Në konferencën pas mbledhjes së Qeverisë së Kosovës, Maqedonci tha se iniciativa e fundit është pjesë e fazës së dytë të procesit të transformimit të FSK-së në ushtri të rregullt.

“Ne së bashku me komandantin e FSK-së jemi të përkushtuar që planin për tranformimin e FSK-së ta arrijmë brenda afateve kohore”, tha Maqedonci.

Ndërlidhjet

Na ndiqni

Kosova nis procesin për hapje të fabrikës për prodhim të municioneve

Kurti bisedon me shefin e industrisë turke të Mbrojtjes për mundësinë e “prodhimit të municionit”

"Dita e Forcës" mbledh vizitorë në kazermat e FSK-së