Mirëmëngjesi lexues të dashur,
Sot, ju do të mund të votoni për kandidatët që besoni se ju përfaqësojnë më së miri nëpër komuna.
Ne do të jemi me ju deri në shpalljen e rezultateve preliminare, dhe do të sjellim vazhdimisht informacionet më të reja të kësaj dite.
Qëndroni me ne!
Voton kryetari i KQZ-së
Kryetari i Komisionit Qendror të Zgjedhjeve, Kreshnik Radoniqi, ka qenë ndër personat e parë që ka shfrytëzuar të drejtën e votës të dielën.
Ai është parë në ambientet e shkollës fillore “Lidhja e Prizrenit” në Pejë.
Sipas tij, të gjithë qytetarët duhet ta shfrytëzojnë të drejtën e njëjtë.
Radoniqi ka thënë se KQZ-ja është e përgatitur për t’i prezantuar rezultatet preliminiare deri në mesnatë.
Pamje nga qendrat e votimit
Komisioni Qendror i Zgjedhjeve do të mbajë konferencë për media pas disa minutash për të treguar nëse janë hapur të gjitha vendvotimet, si dhe për të ofruar informacione për procesin zgjedhor.
Votimi në veri
Një ekip i Radios Evropa e Lirë, konfirmon se procesi zgjedhor është duke u zhvilluar edhe në veri të Kosovës.
Facebook Forum