Ndërlidhjet

Si u zhvilluan zgjedhjet parlamentare?


Festa e Vetëvendosjes në Prishtinë
Ju lutem të prisni

No media source currently available

0:00 0:01:23 0:00

Festa e Vetëvendosjes në Prishtinë

Përmbledhja

Të nderuar lexues, këtu e përmbyllim mbulimin e drejtpërdrejtë të zgjedhjeve të parakohshme parlamentare.

Radio Evropa e Lirë ju falënderon që qëndruat me ne.

Bazuar në rezultatin e deritashëm të Komisionit Qendror të Zgjedhjeve, Lëvizja Vetëvendosje del të jetë fituese e zgjedhjeve të parakohshme parlamentare të 6 tetorit.

  • Zgjedhjet u zhvilluan në 38 komuna në 895 qendra të votimit me 2,547 vendvotime
  • Nga 25 subjekte politike garuan 1,067 kandidatë për deputetë
  • Në zgjedhje morën pjesë 44 për qind e qytetarëve me të drejtë vote
  • U arrestuan 29 persona për shkelje gjatë procesit zgjedhor

Zgjedhjet e parakohshme parlamentare erdhën pas dorëheqjes së Ramush Haradinajt nga pozita e kryeministrit të Kosovës, pas ftesës nga Gjykata Speciale në Hagë për intervistim.

Presidenti i Kosovës, pas shpërbërjes së Kuvendit në gusht, shpalli zgjedhjet për datën 6 tetor.

Na ndiqni në Facebook, Twitter dhe Instagram

15:56 7.10.2019

Mbi 40 mijë fletëvotime të pavlefshme

Sipas të dhënave të Komisionit Qendror të Zgjedhjeve, nga mbi 98 për qind e vendvotimeve të numëruara, numri i fletëvotimeve të pavlefshme është 40.155.

Në zgjedhjet e fundit lokale në Kosovë, të mbajtura në vitin 2017, numri i fletëvotimeve të pavlefshme ishte rreth 80 mijë.

Numri i madh i fletëvotimeve të pavlefshme nga zgjedhjet e kaluara ishte konsideruar si pasojë e mosinformimit të saktë të qytetarëve se si duhet të votojnë.

Infografikë: Votat e pavlefshme në zgjedhjet e vitit 2017
15:27 7.10.2019

OSBE: Procesi zgjedhor shkoi në rregull

Misioni i OSBE-së në Kosovë, në një njoftim ka bërë të ditur se procesi i zgjedhjeve parlamentare të parakohshme në Kosovë ka shkuar mirë, me disa incidente të vogla.

OSBE ka falënderuar Komisionin Qendror të Zgjedhjeve të Kosovës, Policinë e Kosovës, EULEX-in dhe KFOR-in për bashkëpunim të mirë gjatë ditës së djeshme. OSBE ka njoftuar se ka pasur 315 vëzhgues në teren që kanë vëzhguar procesin zgjedhor.

15:06 7.10.2019

Nagavci: Vetëvendosje do t’i vazhdojë negociatat me LDK-në

Arbërie Nagavci nga Lëvizja Vetëvendosje, tha për Radion Evropa e Lirë se do të jetë një vazhdim i bisedimeve që janë zhvilluar edhe para zgjedhjeve me Lidhjen Demokratike të Kosovës. Sipas saj, LDK-ja pret konfirmimin përfundimtar të rezultateve, por angazhimi i Vetëvendosjes, siç thotë Nagavci, është i menjëhershëm.

“Po, besoj që ne e kemi shprehur gëzimin tonë që opozita e deritanishme, tashmë ka marrë shumicën dhe ashtu sikurse kemi qenë të gatshëm për koalicion para zgjedhjeve, interesi dhe vëmendja jonë e parë është bashkëpunimi me Lidhjen Demokratike të Kosovës dhe krijimi i një qeverisje stabile. Pas konfirmimit përfundimtar të votave, nëse është e nevojshme do të shohim edhe dikë nga partitë joserbe që kanë vota, në mënyrë që të kemi një qeveri stabile”, tha Nagavci.

Mbështetësit e Vetëvendosjes gjatë festimeve të dielën
Mbështetësit e Vetëvendosjes gjatë festimeve të dielën

14:35 7.10.2019

Haziri: Bazuar në rezultatin aktual, mandatin për qeverinë e ka Albin Kurti

Nënkryetari i Lidhjes Demokratike të Kosovës, Lutfi Haziri, tha për Radion Evropa e Lirë se nuk do të nisin negociatat për qeverinë e re përderisa nuk përfundon numërimi i të gjitha votave.

“Rezultati është shumë i ngushtë dhe ne jemi duke e pritur numërimin e të gjitha votave, përfshirë votat me kusht, votat e diasporës dhe votat për deputetët, pastaj fillon procesi i negociatave. Dallimi është i vogël, një deputet, por që ia jep mandatin (për formimin e qeverisë) liderit të Vetëvendosjes”, thotë Haziri.

Bazuar në rezultatin aktual, preliminar, Vetëvendosje dhe LDK do të marrin së bashku 61 ulëse në Kuvend, sa është minimumi i votave për formimin e Qeverisë.

Numërimi i KQZ-së
Numërimi i KQZ-së

Trego më shumë

XS
SM
MD
LG