Zelensky: Fati i Donbasit do të përcaktohet nga beteja në Severodonjeck
Zelensky: Fati i Donbasit do të përcaktohet nga beteja në Severodonjeck
Rajoni i Luhanskut, ku gjendet Severodonjecku.
Beteja për qytetin e Severodonjeckut është brutale dhe do të përcaktojë fatin e rajonit të Donbasit, tha presidenti ukrainas, teksa trupat ruse po sulmojnë këtë qytet duke synuar që ta kontrollojnë lindjen e Ukrainës.
Pasi dështoi që ta marrë kontrollin e kryeqytetit ukrainas, Kiev, Kremlini tani po synon që ta “çlirojë” plotësisht rajonin lindor të Donbasit, ku separatistët e mbështetur nga Rusia kanë luftuar me forcat ukrainase që nga viti 2014.
Rreth një e treta e Donbasit ka qenë nën kontrollin e separatistëve pro-rusë para se Rusia të niste pushtimin e Ukrainës më 24 shkurt.
“Kjo është një betejë shumë brutale, shumë e rëndë, ndoshta më e rënda përgjatë kësaj lufte”, tha presidenti ukrainas, Volodymyr Zelensky përmes një video-mesazhi.
“Severodonjecku vazhdon të jetë epiqendra e luftimeve në Donbas... Gjerësisht, këtu po përcaktohet fati i Donbasit tonë”, shtoi ai.
Luftëtarët ukrainas u tërhoqën në periferi të Severodonjeckut të mërkurën, por ata janë zotuar se do të luftojnë atje për aq kohë sa të munden.
Granatimet me artileri e kanë shndërruar këtë qytet në Luhansk në një gërmadhë. Guvernatori i Luhanskut, Serhiy Gaida, tha se qendra e qytetit po shkatërrohet.
“Luftëtarët tanë po rezistojnë në zonën industriale të Severodonjeckut. Por, luftime nuk ka vetëm në zonën industriale, por edhe në qytetin e Severodonjeckut”, tha Gaida për një televizion ukrainas të mërkurën mbrëma.
Forcat ukrainase ende vazhdojnë ta kenë nën kontroll qytetin Lisiçansk, të cilin e ndan një lumë me Severodonjeckut, por sipas guvernatorit të Luhanskut, forcat ruse po sulmojnë ndërtesat e banuara atje.
Sipas autoriteteve në Luhansk, afër 15,000 civilë vazhdojnë të jenë në Severodonjeck dhe Lisiçansk.
Ambasadorja e Kievit në Kombet e Bashkuara ka thënë për CNN se trupat ukrainase janë në disavantazh numerik në Luhansk dhe Donjeck, dy provinca që e përbëjnë Donbasin.
Por, “ne veçse e kemi parë betejën për Kievin, ne mund të humbim territor përkohësisht. Sigurisht, ne po tentojmë ta minimizojmë këtë sepse ne e dimë se çfarë mund të ndodhë kur rusët kontrollojnë territore, por ne do t’i kthejmë ato territore”, tha ambasadorja Oksana Markarova.
Ndërkaq, sipas guvernatorit të Luhanskut Gaidai, Rusia tani kontrollon 98 për qind të territorit të kësaj province.
Njëqind ditët e luftës në Ukrainë
1/36Një sistem i shkatërruar radari në qytetin-port të Mariupolit më 24 shkurt, ditën kur Rusia nisi pushtimin në shkallë të gjerë të Ukrainës.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
2/36Helena është një mësuese 53-vjeçare nga qyteti lindor i Çuguivit, e cila u plagos nga një shpërthim pasi Rusia nisi pushtimin e saj më 24 shkurt. Ajo deklaroi më pas për një media britanike se kishte ndjekur lajmet, por si shumë njerëz, "asnjëherë nuk besonte se do të fillonte vërtet lufta".
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
3/36Automjete të blinduara ruse, të shkatërruara dhe të braktisura në periferi të Kievit më 27 shkurt.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
4/36Një bllok apartamentesh të shkatërruara në Borodijanka, në verilindje të Kievit, më 3 mars.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
5/36Marina Yatsko (majtas) dhe i dashuri i saj, Fedor, duke vrapuar për në spitalin e Mariupolit teksa mbajnë fëmijën 18 muajsh, Kirillin, të vrarë nga bombardimet, më 4 mars.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
6/36Një grua mban macen e saj në një stacion metroje në Kiev më 8 mars. Skenat që të kujtojnë Luftën e Dytë Botërore tronditën botën në fillim të marsit, ndërsa civilët ukrainas u zhvendosën nën tokë për arsye sigurie, ndërsa Rusia lëshoi raketa dhe predha në disa prej qyteteve të mëdha.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
7/36Një grua shtatzënë e plagosur rëndë po transportohet me një barelë nga një maternitet në Mariupol që u godit nga një shpërthim rakete më 9 mars. Si gruaja, ashtu edhe foshnja vdiqën më pas.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
8/36Trupat e viktimave vendosen në një varr masiv në periferi të Mariupolit më 9 mars. Qyteti-port pësoi një shkatërrim të gjerë gjatë një rrethimi gati tremujor ku u vranë mijëra civilë.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
9/36Një ndërtesë banimi në Mariupol goditet nga një predhë tanku rus më 11 mars.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
10/36Redaktorja e televizionit rus, Marina Ovsyannikova, ndërpret një transmetim të drejtpërdrejtë më 14 mars me një pankartë ku shkruhej: "Ndaloni luftën. Mos i besoni propagandës. Ata ju gënjejnë këtu". Ovsyannikova u gjobit me 30,000 rubla (250 dollarë) dhe u transferua në Gjermani, ku më vonë mori çmimin 'Havel Dissent' për protestën e saj.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
11/36Zjarrfikësit ukrainas duke punuar në një ndërtesë banimi të bombarduara në Kiev, më 15 mars.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
12/36Një grua dhe papagalli i saj kalojnë përmes një pikë kontrolli të ushtrisë ruse ndërsa përpiqen të largohen nga Mariupol më 17 prill.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
13/36Misha, 5-vjeçare ndihmohet për t'u veshur nga gjyshi i saj në një spital në qytetin jugor të Mikolajivit më 26 mars. Misha u plagos gjatë një sulmi ajror rus.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
14/36Pasojat e një sulmi me raketa në qytetin perëndimor të Lvivit më 26 mars. Rusia përdori shumë raketa të tipit Kalibr në ditët e para të luftës që mund të goditnin objektiva qindra kilometra larg vijave të frontit. Gazetarja e Radios Evropa e Lirë, Vira Hyrych, u vra nga një raketë e tillë ndërsa ishte brenda banesës së saj në Kiev më 28 prill.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
15/36Autoblinda të shkatërruara ruse pranë Kievit më 31 mars.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
16/36Trupi i kryebashkiakes të qytetit të Motitzhinit dhe familjarëve të saj në një varr masiv më 4 prill pasi u zbuluan pas tërheqjes së forcave ruse nga rrethimi i Kievit. Anëtarët e familjes së saj kishin duart e lidhura, para se të ekzekutoheshin.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
17/36Gratë gatuajnë ushqim jashtë mbi një zjarr në Mariupol më 3 prill. Gazi, energjia elektrike dhe uji u ndërprenë ndërsa forcat ruse u futën në qytet.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
18/36Një banor vendas në një nga rrugët e shkatërruara të Mariupolit më 7 prill.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
19/36Ira Gavriluk mban macen e saj më 4 prill teksa qëndron mbi trupat e burrit, vëllait dhe një personi tjetër, të cilët u vranë jashtë shtëpisë së saj në Buça, në periferi të Kievit.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
20/36Militantët pro-rusë në periferi të Mariupolit më 9 prill.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
21/36Një ushtar rus shkrep një foto në rrugën kryesore të Mariupol nga teatri i shkatërruar i arteve të qytetit më 12 prill.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
22/36Trupat e pajetë të njerëzve të veshur me rroba civile në një rrugë në Mariupol më 16 prill.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
23/36Banorët e Buças presin shpërndarjen e ushqimeve, të organizuar nga Kryqi i Kuq më 18 prill.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
24/36Një vajzë përkulet pranë një varri në Mariupol më 19 prill. Ndërsa predhat dhe raketat ranë mbi qytet dhe numri i të vdekurve u rrit, pjesë të tokës, përfshirë parqe dhe anë të rrugëve u shndërruan në varreza të improvizuara.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
25/36Një foto e realizuar me dron më 1 maj në perferi të Rubizhne, në rajonin lindor të Ukrainës, në Luhansk, që u dëmtua rëndë nga luftimet.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
26/36Një mortajë shpërthen pranë një rruge që të çon në qytetin e Lisiçanskut, në rajonin e Luhanskut më 2 maj.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
27/36Në një foto të bërë më 3 maj, Anna Shevchenko ujit lulet që i mbijetuan bombardimit të shtëpisë së saj. Shtëpia u ndërtua nga gjyshërit e Shevchenkos. Në kopshtin e saj të luleve mbijetuan trëndafila, zambakë dhe bozhure.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
28/36Një luftëtar pro-rus ecën përgjatë një rrugë banimi të shkatërruar në qytetin lindor të Popasnës më 8 maj.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
29/36Ushtarët ukrainas që po mbronin fabrikën e çelikut në Mariupol, në Azovstal, ulen në një autobus pasi u dorëzuan te forcat pro-ruse më 17 maj.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
30/36Arinjtë që i mbijetuan bombardimeve të kopshtit zoologjik të Mariupolit shihen gjatë një turi mediatik të organizuar nga ushtria ruse më 18 maj.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
31/36Një ushtarak rus brenda asaj që agjencia e lajmeve TASS e përshkruan si "baza e braktisur" e Batalionit Azov të Ukrainës në Mariupol më 18 maj.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
32/36Një mur me portretet e ushtarëve të rënë ukrainas në Kiev, më 23 maj.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
33/36Një grua ulet në gjunjë pranë trupit të burrit të saj, Alexey, i cili u vra gjatë bombardimeve të qytetit lindor të Harkivit më 26 maj.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
34/36Një luftëtar pro-rus qëndron përpara një flamuri të epokës komuniste që u përdor për të shënuar fitoret sovjetike mbi Gjermaninë naziste në Luftën e Dytë Botërore. Fotografia është bërë në qytetin lindor të Ukrainës, Svitlodarsk, më 28 maj.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
35/36Tymi ngrihet mbi Severodonjeck gjatë luftimeve të ashpra më 30 maj, ndërsa trupat ruse po afroheshin më shumë për të pushtuar qytetin lindor.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
36/36Një ushtarak i plagosur ukrainas duke u evakuuar nga vijat e frontit në Severodonjeck më 2 qershor.
Që nga 3 qershori, vazhdojnë luftimet e ashpra në Ukrainën lindore, ndërsa forcat ruse vazhdojnë sulmin e tyre. Presidenti i Ukrainës, Volodymyr Zelensky, thotë se "60 deri në 100" ushtarë ukrainas po vdesin çdo ditë në betejë.
Fotografi që dëshmojnë tmerrin dhe shkatërrimin e 100 ditëve të luftës në Ukrainë. Rusia nisi pushtimin në shkallë të gjerë të fqinjit të saj më 24 shkurt. (Përgatiti: Besmir Nenaj)
Previous slide
Next slide
Në perëndim të Severodonjeckut, në Slloviansk, që është një prej qyteteve kryesore në Donbas që është në kontrollin ukrainas, gratë dhe fëmijët e vegjël të mërkurën u panë në radhë duke pritur për ndihmë humanitare.
Shumica e banorëve të këtij qyteti kanë ikur, por autoritetet thonë se afër 24,000 persona vazhdojnë të jenë në qytet. Ky qytet konsiderohet se mund të jetë vendi i radhës që forcat ruse, që po rigrupohen, do të sulmojnë.
Sipas Kombeve të Bashkuara mbi 7 milionë banorë janë larguar nga Ukraina qëkur Rusia pushtoi Ukrainën më 24 shkurt.
