Mijëra njerëz protestuan në Uashington, teksa kryeministri izraelit, Benjamin Netanyahu, iu drejtua Kongresit amerikan, më 24 korrik. Vizita përçarëse erdhi në një moment vendimtar në politikën amerikane, pasi presidenti Joe Biden u largua nga gara për rizgjedhje, ndërsa nënpresidentja Kamala Harris filloi fushatën e saj për presidencialet e 2024-tës. Ndërsa demonstruesit shprehën zemërimin e tyre për mbështetjen e Shteteve të Bashkuara ndaj luftës së Izraelit në Gazë, disa thanë se votat e tyre në zgjedhjet e ardhshme presidenciale do të varen nga mënyra se si kandidatët do ta trajtojnë këtë çështje. (Përgatitën: Shkelqim Hysenaj, Doruntina Baliu dhe Ibrahim Berisha)