Panairi "Gratë në biznes"

Veshjet kombëtare, qilimat, çantat, stolitë, si dhe produkte të tjera punëdore e me motive kryesisht kombëtare, e karakterizojnë panairin “Gratë në biznes”, që është hapur të enjten në sheshin “Zahir Pajaziti” në Prishtinë. Përveç promovimit të bizneseve, shoqatave të udhëhequra nga gratë nga komunitete të ndryshme, dhe produkteve që këto biznese ofrojnë, panairi ka për qëllim edhe inkurajimin e grave ndërmarrëse, me qëllim të fuqizimit sa më të madh të tyre në shoqëri dhe në biznes.