Putini kërcënon me përdorim të armëve më të avancuara, si të SHBA-së
Putini kërcënon me përdorim të armëve më të avancuara, si të SHBA-së
Presidenti i Rusisë, Vladimir Putin.
Presidenti i Rusisë, Vladimir Putin, tha të premten se Moska mund ta përvetësojë atë që ai e përshkroi si koncept të SHBA-së për sulme parandaluese ushtarake, duke shtuar se Rusia i ka armët për ta bërë një gjë të tillë.
Këtë deklaratë ai e bëri në një samit në Kirgistan ku është mbledhur aleanca ekonomike e vendeve ish-Sovjetike, mes tensioneve në rritje mes Rusisë dhe NATO-s për luftën në Ukrainë.
“Ne thjesht po e mendojmë. Ata nuk kanë qenë shumë të turpshëm kur e kanë diskutuar haptazi këtë gjatë viteve të fundit”, tha Putini, duke iu referuar politikave të SHBA-së.
Për vite me radhë, Kremlini ka shprehur shqetësimin për përpjekjet e SHBA-së për ta zhvilluar aftësinë që të godasë me saktësi objektivat strategjike të një kundërshtari kudo në botë brenda një ore.
“Kur flasim për sulme çarmatosëse, ndoshta ia vlen të mendohet për përvetësimin e ideve të zhvilluara nga homologët tanë amerikanë, ideve të tyre për ta garantuar sigurinë e tyre”, tha Putini me një buzëqeshje, duke vënë në dukje se një sulm i tillë parandalues kishte për qëllim të rrëzonte objektet komanduese.
Ai tha se Rusia tashmë ka porositur armë hipersonike që mund të kryejnë sulm të tillë, ndërsa SHBA-ja nuk e ka bërë ende këtë. Ai gjithashtu tha se Rusia tani ka raketa lundrimi që i lënë prapa ekuivalentet e tyre në SHBA.
Përderisa Putini u duk se po i referohej armëve konvencionale kur foli për përvetësimin e mundshëm të strategjisë së SHBA-së, ai vuri në dukje veçanërisht se SHBA-ja nuk e ka përjashtuar përdorimin e armëve bërthamore.
"Nëse kundërshtari potencial beson se mund ta përdorë teorinë e një sulmi parandalues dhe ne jo, kjo na bën të mendojmë për kërcënimet që vijnë nga ide të tilla në pozicionet mbrojtëse të vendeve të tjera," tha ai.
Në Uashington, këshilltarët e presidentit Joe Biden i cilësuan komentet e Putinit si kërcënuese dhe si një paralajmërim tjetër që ai mund të përdorë në mënyrë strategjike një armë bërthamore, sipas një zyrtari amerikan që foli në kushte anonimiteti.
Zyrtari theksoi se doktrina ushtarake ruse ka deklaruar prej kohësh se Moska ka të drejtën të përdorë një armë bërthamore në përgjigje të agresionit ushtarak.
John Erath, drejtor i lartë i politikave për Qendrën për Kontrollin e Armëve dhe Mospërhapjen, gjithashtu e pa deklaratën e Putinit si një përpjekje tjetër për të shtuar kërcënimin bërthamor.
“Ai nuk thotë qartë se ne do të përdorim armë bërthamore, por ai dëshiron që diskutimet në SHBA dhe Evropë të jenë: ‘Sa më shumë të zgjasë kjo luftë, aq më i madh është rreziku që të përdoren armë bërthamore’”, tha Erath.
Putin u pyet të mërkurën në një konferencë në Kremlin nëse Rusia mund të premtojë se nuk do të sulmojë e para me armë bërthamore dhe ai tha se një premtim i tillë do ta parandalonte Rusinë nga përdorimi i tyre edhe nëse rrezikohen nga një sulm bërthamor.
Ai e shtjelloi këtë përgjigje edhe më tutje të premten, duke thënë se doktrina bërthamore e Rusisë parashikon përdorimin e armëve bërthamore kur paralajmërohet një sulm i afërt bërthamor i vërejtur nga sistemet e saj të paralajmërimit të hershëm.
“Kur sistemi i paralajmërimit të hershëm merr një sinjal për një sulm me raketa, ne lëshojmë qindra raketa që është e pamundur të ndalohen”, tha ai duke buzëqeshur.
Kërcënimet bërthamore ruse riaktualizojnë strehimoret e Evropës
1/15Jacek, 37 vjeç, duke mbyllur derën e një strehimoreje në bodrumin e një ndërtese banimi në Varshavë, Poloni, më 19 tetor.
Mes luftimeve në zonat përreth instalimeve të energjisë bërthamore të Ukrainës dhe kërcënimeve të nënkuptuara të Rusisë për përdorimin e armëve bërthamore, Polonia ka urdhëruar pasjisjen me inventar të strehimoreve të saj.
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
2/15Salla kryesore në bunkerin e epokës komuniste në Podborsko, Poloni, që ishte projektuar për të vendosur armë bërthamore.
Lufta ka shkaktuar frikë në të gjithë Evropën, veçanërisht në vende si Polonia dhe Rumania, të cilat kufizohen me Ukrainën dhe do të ishin shumë të ekspozuara ndaj pasojave nga një sulm eventual bërthamor ndaj fqinjit të tyre.
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
3/15Një strehimore e kohës së Luftës së Ftohtë nën fabrikën e çelikut "ArcelorMittal" në Varshavë, Poloni. Në Poloni ka rreth 62.000 strehimore ndaj sulmeve ajrore.
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
4/15Këto çizme të vjetra ishin në të njëjtën strehimore. Varshava, gjithashtu, hartoi një plan për t'u shpërndarë stacioneve të zjarrfikësve lokalë tableta jodi, të cilat mund të përdoren për të ndihmuar në mbrojtjen e njerëzve nga rrezatimi. Nëse është e nevojshme, stacionet do t'i shpërndajnë ato te popullata.
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
5/15Ewa Karpinska, një zëdhënëse e "ArcelorMittal", tregon një hartë nga epoka e Luftës së Ftohtë në strehimoren nën uzinë.
Pas kërcënimeve të fshehta të presidentit rus, Vladimir Putin, për gatishmërinë e tij për të pozicionuar armë bërthamore taktike kundër Ukrainës, "të gjithë janë të shqetësuar", tha Karpinska.
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
6/15Pas një inspektimi nga zyrtarët, uzina "ArcelorMittal" tani është në listën e strehimoreve për banorët e Varshavës.
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
7/15Udhëheqësit e Varshavës thanë se metroja e qytetit dhe strehimoret e tjera nëntokësore mund të strehojnë që të 1.8 milion banorët e tij dhe më shumë, në rast të një sulmi me armë konvencionale.
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
8/15Derisa disa vende i mbajnë strehimoret e tyre për raste urgjente, disa të tjera i kanë shndërruar ato në muze. Punimet prej dyllit përshkruajnë jetën nën tokë në Muzeun e Bunkerit Bërthamor të Shkëmbit në Budapest, Hungari.
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
9/15Me disa nga bunkerët e Budapestit që nuk përdoren më, zyrtarët thonë se mund të mbështeten në metronë e tij. Kreu i një sindikate transporti, Attila Gulyas, tha se "deri në 220.000 njerëz mund të mbrohen nga sistemi i strehimit në tunelet e linjave 2 dhe 3 të metrosë."
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
10/15Një portret i Josip Broz Titos varet në "Komandën e Luftës Atomike" të tij nëntokësore në Konjic, Bosnje e Hercegovinë. Ekzistenca e kësaj strehimoreje gjatë epokës së Titos ishte e njohur vetëm për presidentin jugosllav, katër gjeneralë dhe një grusht ushtarësh që e ruanin atë.
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
11/15E ndërtuar për t'i bërë ballë luftës bërthamore, strehimorja kushtoi 4.6 miliardë dollarë për t'u ndërtuar -- ekuivalenti me më shumë se 20 miliardë dollarë sot. Vendi Konjic tani është një galeri moderne arti.
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
12/15"Mjedisi global tani për fat të keq është shumë i ngjashëm me atë që ishte (gjatë Luftës së Ftohtë), i ngarkuar nga një ndjenjë shumë e rëndë e një konflikti të afërt", tha Selma Haxhihuseinoviq, e cila përfaqëson një agjenci qeveritare që menaxhon vendin.
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
13/15Hadzihuseinovic tha se bunkeri mund të kthehet në shërbim të një lufte të re, por me armët bërthamore që janë bërë shumë më të fuqishme, ai nuk do të ishte "aq i dobishëm sa ishte menduar të ishte kur u ndërtua".
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
14/15Turistët të ulur në një varkë në një liqen nëntokësor në Salina Turda, një ish-minierë kripe që është kthyer në një atraksion turistik në Rumaninë qendrore. Tani është renditur nga autoritetet e e emergjencave si një strehë e mundshme e mbrojtjes civile.
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
15/15Një pamje tjetër e minierës së kripës në Salina Turda.
Sorin Ionita, një komentator me Forumin e Ekspertëve në Bukuresht, Rumani, tha se shumë njerëz e konsiderojnë të pamundur një sulm bërthamor rus, pasi nuk do të "sillte ndonjë avantazh të madh ushtarak për rusët".
Periudha e paqes që pasoi rënien e Bashkimit Sovjetik i qetësoi qeveritë që të neglizhonin planet e tyre të mbrojtjes civile. Strehëzat që dikur premtonin siguri gjatë epokës bërthamore janë më shpesh të neglizhuara, të papërshtatshme ose relikte muzeale të një kohe të shkuar.
(Përgatiti: Syzanë Paçarizi)
Previous slide
Next slide
“Kokat e raketave të armikut do të arrinin në mënyrë të pashmangshme në territorin e Federatës Ruse. Por edhe nga armiku nuk do të mbetej asgjë, sepse është e pamundur të kapësh qindra raketa. Dhe ky, natyrisht, është një faktor parandalues”.
Doktrina bërthamore e Rusisë thotë se vendi mund të përdorë armë bërthamore nëse goditet me armë bërthamore ose nëse përballet me një sulm me armë konvencionale që kërcënon “vetë ekzistencën” e shtetit rus.
Që nga dërgimi i trupave ruse në Ukrainë në shkurt, Putin ka thënë vazhdimisht se Moska është e gatshme të përdorë “të gjitha mjetet që ka në dispozicion” për të mbrojtur territorin e saj dhe ka hedhur poshtë kritikat perëndimore për kërcënimet bërthamore.
“Unë e kuptoj se që kur armët bërthamore, armët e shkatërrimit në masë, janë shfaqur, të gjithë njerëzit – i gjithë njerëzimi – kanë qenë të shqetësuar se çfarë do të ndodhë me planetin dhe të gjithë ne”, tha ai.
Duke folur të premten në Komandën Strategjike të SHBA-së, e cila është përgjegjëse për armët bërthamore të vendit, Sekretari i Mbrojtjes, Lloyd Austin, tha se kërcënimet e përsëritura të Putinit janë të papërgjegjshme.
“Ndërsa Kremlini vazhdon luftën mizore dhe të paprovokuar kundër Ukrainës, e gjithë bota e ka parë Putinin të përfshihet në një kërcënim thellësisht të papërgjegjshëm bërthamor”, tha ai duke iu referuar kërcënimeve të mëparshme bërthamore të Putinit.
“Pra, mos bëni gabim, fuqitë bërthamore kanë një përgjegjësi të madhe për ta shmangur sjelljen provokuese dhe për ta ulur rrezikun e përhapjes dhe për ta parandaluar përshkallëzimin dhe luftën bërthamore”.
