Ndërlidhjet

Maqedonia e Veriut regjistron 14 viktima me koronavirus


Një punëtore shëndetësore afër një spitali në Shkup. Fotografi nga arkivi.
Një punëtore shëndetësore afër një spitali në Shkup. Fotografi nga arkivi.

Maqedonia e Veriut ka regjistruar të dielën 14 persona të vdekur me koronavirusin, që shkakton sëmundjen COVID-19.

Sipas raportit të Ministrisë së Shëndetësisë, viktimat janë: Shkup (4), Tetovë (4), Gostivar (3) dhe nga një viktimë në Kumanovë, Ohër dhe Vinicë.

Nga testimi i 6,591 mostrave janë regjistruar edhe 882 raste të infektimit.

Instituti i Shëndetit Publik ka njoftuar se më 22 gusht janë shëruar 263 pacientë nga sëmundja COVID-19, derisa raste aktive janë 19,695.

Gjendje më e rëndë po mbretëron në pjesën perëndimore të vendit, ku ka edhe numër më të madh të personave në gjendje të rëndë.

Në spitalin e Tetovës janë të shtruar 120 persona, në atë Strugës 110 ndërsa në spitalin e Gostivarit 70.

Në gjithë vendin janë hospitalizuar 860 persona.

Sipas të dhënëve të Ministrisë së Shëndetësisë, numri më i madh i të infektuarve dhe i viktimave janë persona të pavaksinuar.

Sipas të dhënave zyrtare numri i të vaksinuarve ka arritur në rreth 652 mijë.

“Qytetarët duhet ta dinë se derisa të vaksinohemi të gjithë, kjo nuk do të ndalet”, ka deklaruar Ministri i Shëndetësisë Venko Filipçe.

“Sa më shpejt duhet të rritet niveli i vaksinimit dhe imuniteti kolektiv, sepse imuniteti i vaksinës është i përhershëm dhe ne do të parandalojmë valët e ardhshme të virusit. Ne duhet ta ndalojmë përhapjen e virusit, sepse nuk mund të përballemi përsëri me valë të rënda”, ka theksuar Filipçe.

Për rritjen e numrit të të infektuarve, opozita maqedonase ka fajësuar Ministrinë e Shëndetësisë.

Kryetari i VMRO-DPMNE-së, Hristijan Mickovski ka kërkuar “përgjegjësi për menaxhimin dhe vlerësimin, siç ka thënë ai, të dobët të situatës si dhe mosrespektimin e mendimit të ekspertëve.

Newsletter

Gjithçka që duhet të dini për temën më të diskutuar të javës jua sjellim të enjteve në tre minuta. Regjistrohuni për t'u informuar të parët!

XS
SM
MD
LG