Ukrainasit e kanë parë me ndjenja të përziera samitin mes presidentit amerikan, Donald Trump dhe atij rus, Vladimir Putin në Alaskë. Ndonëse takimi ka përfunduar pa ndonjë marrëveshje për armëpushim në Ukrainë, Trump ka thënë se është arritur “përparim i madh”. Presidenti amerikan ka biseduar të shtunën me homologun e tij ukrainas, Volodymyr Zelensky, dhe i ka thënë se e pret më 18 gusht në Shtëpinë e Bardhë.