Rusia thotë se do të përgjigjet ndaj “kërcënimeve” të anëtarëve të NATO-s
Rusia thotë se do të përgjigjet ndaj “kërcënimeve” të anëtarëve të NATO-s
Trupat polake. (Fotografi nga arkivi)
Moska i ka akuzuar të mërkurën Poloninë dhe Finlandën për kërcënimin e sigurisë së saj dhe është zotuar se do të përgjigjet ndaj “kërcënimeve të shumta” në kufirin rus me Perëndimin nga anëtarët e NATO-s.
Polonia, fqinja dhe aleatja e patundur e Ukrainës, e ka forcuar sigurinë në kufirin e vet me Bjellorusinë, pasi Minsku u bë bazë e re e luftëtarëve të Wagner-it rus.
Finlanda, e cila e ndan një kufi të gjatë me Rusinë, iu bashkua NATO-s në prill në një ngjarje historike që u nxit nga lufta e Moskës në Ukrainë.
"Diçka do të ndodhë": Frikë në Poloni teksa Wagner trajnon trupat bjelloruse pranë kufirit
1/10Kjo fotografi, e cila është pubikuar nga disa media ruse dhe bjelloruse më 20 korrik, shfaq pamje të një ushtari rus nga grupi mercenar Wagner, duke e pilotuar një dron në rajonin Brest në perëndim të Bjellorusisë.
Pamjet e publikuara nga media shtetërore ruse dhe bjelloruse tregojnë luftëtarë nga grupi mercenar Wagner që trajnojnë forcat bjelloruse, ndërsa Polonia zhvendos trupat e saj në kufirin lindor. (Përgatiti: Albina Kastrati)
2/10Sipas Ministrisë së Mbrojtjes të Bjellorusisë, fotografitë tregojnë trupat bjelloruse, përfshirë këta ushtarë që operojnë me granatahedhës automatikë, duke u trajnuar nga ushtarët e grupit mercenar Wagner "më pak se 5 kilometra" nga kufiri me Poloninë.
Pamjet e publikuara nga media shtetërore ruse dhe bjelloruse tregojnë luftëtarë nga grupi mercenar Wagner që trajnojnë forcat bjelloruse, ndërsa Polonia zhvendos trupat e saj në kufirin lindor. (Përgatiti: Albina Kastrati)
3/10Një tabelë në polonisht paralajmëron se kufiri me Bjellorusinë është afër, pranë lumit Bug, më 20 korrik.
Më 20 korrik, gazetarët e Reuters-it nga ana polake afër fshatit Kolpin-Ogrodniki, raportuan se kishin dëgjuar të shtëna armësh nga territori bjellorus.
Pamjet e publikuara nga media shtetërore ruse dhe bjelloruse tregojnë luftëtarë nga grupi mercenar Wagner që trajnojnë forcat bjelloruse, ndërsa Polonia zhvendos trupat e saj në kufirin lindor. (Përgatiti: Albina Kastrati)
4/10Në Kolpin-Ogrodniki, Agata Moroz u përlot teksa u tha gazetarëve të agjencisë Reuters, "të gjithë thonë se diçka do të ndodhë, se diçka do të ndodhë patjetër".
"Kam frikë. Unë kam një djalë në ushtri. Ai është ushtar. Unë jam e brengosur për të. Kam nipa e mbesa. Burri im është me nevoja të veçanta. Më së shumti shqetësohem për ta", u shpreh Moroz.
Pamjet e publikuara nga media shtetërore ruse dhe bjelloruse tregojnë luftëtarë nga grupi mercenar Wagner që trajnojnë forcat bjelloruse, ndërsa Polonia zhvendos trupat e saj në kufirin lindor. (Përgatiti: Albina Kastrati)
5/10Banorë të tjerë të fshatit polak pohuan se kishin dëgjuar helikopterë që fluturonin kohët e fundit mbi terren pranë kufirit me Bjellorusinë.
Që nga viti 1999, Polonia është pjesë e NATO-s.
Pamjet e publikuara nga media shtetërore ruse dhe bjelloruse tregojnë luftëtarë nga grupi mercenar Wagner që trajnojnë forcat bjelloruse, ndërsa Polonia zhvendos trupat e saj në kufirin lindor. (Përgatiti: Albina Kastrati)
6/10Një ushtar bjellorus duke përdorur një granatahedhës.
Varshava njoftoi më 20 korrik se do të zhvendoste njësitë ushtarake në kufirin lindor të Polonisë, veçanërisht për shkak të pranisë së ushtarëve të grupit mercenar Wagner në Bjellorusi.
Pamjet e publikuara nga media shtetërore ruse dhe bjelloruse tregojnë luftëtarë nga grupi mercenar Wagner që trajnojnë forcat bjelloruse, ndërsa Polonia zhvendos trupat e saj në kufirin lindor. (Përgatiti: Albina Kastrati)
7/10Ushtarët bjellorusë dhe ata të grupit Wagner në një automjet të blinduar në një terren stërvitor në rajonin e Brestit të Bjellorusisë.
Në një postim në kanalin Telegram të Ministrisë së Mbrojtjes së Bjellorusisë, një ushtar u raportua të thoshte se luftëtarët e Wagnerit "na tregojnë vazhdimisht metoda të reja dhe ndajnë përvojat e tyre nga operacionet luftarake".
"Nuk ka shumë kohë për rikuperim, por na duhet sepse kjo përvojë është shumë e madhe", ka thënë ushtari në kushte anonimiteti.
Pamjet e publikuara nga media shtetërore ruse dhe bjelloruse tregojnë luftëtarë nga grupi mercenar Wagner që trajnojnë forcat bjelloruse, ndërsa Polonia zhvendos trupat e saj në kufirin lindor. (Përgatiti: Albina Kastrati)
8/10Pamje satelitore të një baze ushtarake në Tsel, Bjellorusi, më 16 korrik. Vendi besohet të jetë kampi kryesor i luftëtarëve të grupit Wagner, pasi grupi mercenar rus braktisi një kryengritje kundër udhëheqjes ushtarake ruse në qershor të këtij viti.
Pamjet e publikuara nga media shtetërore ruse dhe bjelloruse tregojnë luftëtarë nga grupi mercenar Wagner që trajnojnë forcat bjelloruse, ndërsa Polonia zhvendos trupat e saj në kufirin lindor. (Përgatiti: Albina Kastrati)
9/10Luftëtarët bjellorusë dhe ata të grupit mercenar Wagner duke u stërvitur pranë kufirit polak.
Një zyrtar polak i quajti stërvitjet e përbashkëta "një provokim të qartë".
Pamjet e publikuara nga media shtetërore ruse dhe bjelloruse tregojnë luftëtarë nga grupi mercenar Wagner që trajnojnë forcat bjelloruse, ndërsa Polonia zhvendos trupat e saj në kufirin lindor. (Përgatiti: Albina Kastrati)
10/10Një ushtar me flamurin rus të vendosur në helmetë, së bashku me një ushtar tjetër gjatë stërvitjeve të përbashkëta.
Kremlini më 20 korrik u deklarua nëpërmjet zëdhënësit Dmitry Peskov, i cili u tha gazetarëve se zhvendosja e trupave të Polonisë në kufirin e saj lindor ishte "një veprim për shkak të shqetësimit", duke shtuar "agresiviteti i Polonisë është i vërtetë".
Pamjet e publikuara nga media shtetërore ruse dhe bjelloruse tregojnë luftëtarë nga grupi mercenar Wagner që trajnojnë forcat bjelloruse, ndërsa Polonia zhvendos trupat e saj në kufirin lindor. (Përgatiti: Albina Kastrati)
Previous slide
Next slide
“Kërcënimet ndaj sigurisë ushtarake të Federatës ruse janë shumëfishuar në drejtimet strategjike perëndimore dhe veriperëndimore”, tha ministri i Mbrojtjes i Rusisë, Sergei Shoigu, në një takim me zyrtarët ushtarakë.
Ato rreziqe “kërkojnë përgjigje adekuate dhe me kohë”, theksoi ai.
“Ne do t’i diskutojmë masat e nevojshme për t’i neutralizuar ato gjatë takimit, ku do të marrim vendime të duhura”.
Ai e veçoi Poloninë, për të cilën tha se po “militarizohet” dhe se po përdoret nga Shtetet e Bashkuara “si një instrument i politikave anti-ruse”.
Varshava njoftoi të mërkurën se do t’i dërgojë edhe 2.000 trupa shtesë në kufirin e vet lindor, ku i ka vendosur tashmë 2.000 sosh.
Anëtarja e NATO-s tha javën e kaluar se helikopterët bjellorusë e kishin shkelur hapësirën e saj ajrore dhe paralajmëroi për provokime nga Bjellorusia.
Shoigu tha se trupat polake do të jenë “shumë pranë kufijve të Unionit”, duke iu referuar aleancës mes Moskës dhe Minskut.
Muajin e kaluar, presidenti Vladimir Putin tha se Moska do të përgjigjej ndaj çdo agresioni kundër Bjellorusisë “me të gjitha mjetet në dispozicionin tonë”.
Shoigu tha, po ashtu, se “faktor serioz i destabilizimit është anëtarësimi i Finlandës në NATO, dhe në të ardhmen – i Suedisë”.
Muajin e kaluar, Turqia i dha fund kundërshtimit të anëtarësimit të Suedisë në NATO, duke dhënë dritën jeshile për shpresat e Stokholmit për anëtarësim.
Kremlini ka thënë se anëtarësimi i Suedisë në NATO do ta rrezikonte sigurinë e Rusisë dhe se po planifikon kundërmasa.
Suedia ndan një kufi të shkurtër arktik me Rusinë.
