Errësira mbi Donbas: Imazhet satelitore tregojnë shpopullimin e Ukrainës
Imazhet e ngjyrosura, të krijuara nga satelitët e NASA-s që regjistrojnë dritat e aktivitetit njerëzor gjatë natës, tregojnë se zona të tëra në lindje të Ukrainës kanë rënë në errësirë, si pasojë e shpopullimit dhe ndërprerjeve të energjisë elektrike të shkaktuara nga lufta. (Përgatiti: Valona Tela)
Atëherë
Tani
1
Pamje të Ukrainës juglindore dhe Rusisë perëndimore gjatë natës, të regjistruara më 14 qershor 2012 dhe 27 prill 2026.
Sot, zona të tëra të Donbasit - dikur një prej rajoneve më të gjalla të Ukrainës - zhyten në errësirë pas perëndimit të diellit, si pasojë e mungesës së energjisë elektrike, të shkaktuar nga lufta dhe shpopullimi. Që nga viti 2014, miliona banorë janë larguar nga Donbasi për shkak të konfliktit.
Sot, zona të tëra të Donbasit - dikur një prej rajoneve më të gjalla të Ukrainës - zhyten në errësirë pas perëndimit të diellit, si pasojë e mungesës së energjisë elektrike, të shkaktuar nga lufta dhe shpopullimi. Që nga viti 2014, miliona banorë janë larguar nga Donbasi për shkak të konfliktit.
Atëherë
Tani
2
Qyteti ukrainas i Harkivit (në qendër të kësaj fotografie) mezi dallohet në një imazh satelitor të natës, të realizuar më 5 korrik 2026. Pak më në verilindje, qyteti rus i Bellgorodit dhe autostradat e tij të ndriçuara duken pothuajse të pandryshuara krahasuar me fotografinë e realizuar më 17 gusht 2021.
Atëherë
Tani
3
Rajoni i Donjeckut në Ukrainë, që zë afërsisht një të tretën e majtë të këtij imazhi, dhe një pjesë e rajonit të Luhanskut (në pjesën e sipërme qendrore) shihen pranë rajonit rus të Rostovit (djathtas). Fotografitë e natës janë realizuar më 26 tetor 2021 dhe 1 korrik 2026.
Në disa qytete në pjesën e sipërme majtas të fotografisë së vitit 2021, që ndodhen në rajonin ukrainas të Donjeckut, dritat janë fikur, ndërsa ndriçimi i Donjeckut, i kontrolluar nga Rusia (sipër majtas), ka mbetur pothuajse i pandryshuar.
Në jug të Donjeckut, në pjesën e poshtme majtas të imazhit, shihet Mariupoli, qytet që tani kontrollohet nga Rusia. Në këndin e poshtëm djathtas ndodhet Rostov mbi Don, një nga qytetet më të mëdha në jug të Rusisë.
Në disa qytete në pjesën e sipërme majtas të fotografisë së vitit 2021, që ndodhen në rajonin ukrainas të Donjeckut, dritat janë fikur, ndërsa ndriçimi i Donjeckut, i kontrolluar nga Rusia (sipër majtas), ka mbetur pothuajse i pandryshuar.
Në jug të Donjeckut, në pjesën e poshtme majtas të imazhit, shihet Mariupoli, qytet që tani kontrollohet nga Rusia. Në këndin e poshtëm djathtas ndodhet Rostov mbi Don, një nga qytetet më të mëdha në jug të Rusisë.
Atëherë
Tani
4
Në jug të Donbasit, në Gadishullin e Krimesë, që kontrollohet nga Rusia, mbizotëron errësira kohëve të fundit në shumë zona, për shkak të fushatës së vazhdueshme të Ukrainës me dronë, e cila ka në shënjestër rrjetin elektrik të Krimesë. Këto imazhe janë realizuar më 8 korrik 2021 dhe 3 korrik 2026.