Talibanët: Të drejtat e grave do të respektohen sipas ligjit islamik

17 gusht 2021

Zëdhënësi i talibanëve, Zabihullah Mujahid në konferencën e parë për media në Kabul, pas marrjes së pushtetit.

Talibanët kanë mbajtur të martën konferencën e parë zyrtare për media në Kabul, prej kur kanë marrë kontrollin e Afganistanit.

Ata kanë thënë se dëshirojnë marrëdhënie paqësore me vendet tjera dhe se do të respektojnë të drejtat e grave sipas kornizës së ligjit islamik.

“Ne nuk duam armiq të brendshëm apo të jashtëm”, ka thënë zëdhënësi kryesor i talibanëve, Zabihullah Mujahid.

Ai ka thënë se gratë do të lejohen të punojnë dhe të studiojnë dhe "do të jenë shumë aktive në shoqëri, por brenda rregullave që përcakton Islami”.

“Ne kemi të drejtë të veprojmë në përputhje me parimet tona fetare. Shtetet tjera kanë qasje, rregulla dhe rregullore tjera.. afganët kanë të drejtë të kenë të drejtat e tyre në përputhje me vlerat e tyre”, ka thënë ai.

“Ne jemi të përkushtuar për të drejtat e grave sipas ligjit islamik”, ka thënë Mujahid.

“Ato do të punojnë afër nesh. Ne duam ta sigurojmë komunitetin ndërkombëtar se nuk do të ketë diskriminim”.

Gratë afgane zhduken nën burka

1/11 Gratë e veshura me burka, që janë larguar nga shtëpitë e tyre para se talibanët të përparojnë në veri të Afganistanit, qëndrojnë në një park në Kabul më 13 gusht, ku po marrin ndihmë.

Një grua me burka më 1 korrik ecën pranë ish-bazës ushtarake amerikane në Bagram.<br />
<br />
Burkat janë veshje që mbulojnë të gjithë trupin dhe kanë një rrjet që mbulon fytyrën. Disa myslimanë fundamentalistë, që interpretojnë fragmente të diskutueshme të Kuranit, thonë se gratë duhet të mbulohen plotësisht kur dalin në publik. — 2/11 Një grua me burka më 1 korrik ecën pranë ish-bazës ushtarake amerikane në Bagram.

Burkat janë veshje që mbulojnë të gjithë trupin dhe kanë një rrjet që mbulon fytyrën. Disa myslimanë fundamentalistë, që interpretojnë fragmente të diskutueshme të Kuranit, thonë se gratë duhet të mbulohen plotësisht kur dalin në publik.

Gratë dhe fëmijët pushojnë brenda një shkolle në provincën lindore Kunar në Afganistan më 7 gusht, pasi janë larguar nga shtëpitë e tyre si pasojë e luftimeve.<br /> — 3/11 Gratë dhe fëmijët pushojnë brenda një shkolle në provincën lindore Kunar në Afganistan më 7 gusht, pasi janë larguar nga shtëpitë e tyre si pasojë e luftimeve.

Burkat në shitje në një dyqan në Kabul më 30 qershor.<br />
<br />
Kjo është një prej dhjetëra fotografive që janë bërë nga agjencitë e ndryshme të lajmeve, për rikthimin e burkave, teksa militantët talibanë po vazhdojnë ofensivën e tyre në Afganistan.<br />
<br /> — 4/11 Burkat në shitje në një dyqan në Kabul më 30 qershor.

Kjo është një prej dhjetëra fotografive që janë bërë nga agjencitë e ndryshme të lajmeve, për rikthimin e burkave, teksa militantët talibanë po vazhdojnë ofensivën e tyre në Afganistan.

Një grua me burka dhe fëmijët e saj në Kandahar, teksa luftimet mes forcave afgane dhe talibanëve u zhvilluan më 4 gusht.<br />
<br />
Shumë presin që kryengritja e talibanëve në Afganistan do të rikthejë shtypje brutale të të drejtave të grave, njësojë siç kishte qenë në kohën kur talibanët udhëhoqën vendin nga viti 1996 deri më 2001.<br />
<br />
 Majan, 28-vjeçare nga qyteti perëndimor Herat, që tani është nën kontrollin e talibanëve, i tha Radios Evropa e Lirë se ajo dhe dy morat e saj kanë blerë disa burka me ngjyrë të kaltër.<br />
<br />
“Ne jemi mësuar që të veshim hixhab, por pasi që situata po përkeqësohet, ne kemi ardhur për të blerë burka. Gratë nuk duan që të veshin burka, por ne duhet t’i veshim ato pasi është bërë e domosdoshme”, ka thënë ajo.<br />
<br /> — 5/11 Një grua me burka dhe fëmijët e saj në Kandahar, teksa luftimet mes forcave afgane dhe talibanëve u zhvilluan më 4 gusht.

Shumë presin që kryengritja e talibanëve në Afganistan do të rikthejë shtypje brutale të të drejtave të grave, njësojë siç kishte qenë në kohën kur talibanët udhëhoqën vendin nga viti 1996 deri më 2001.

Majan, 28-vjeçare nga qyteti perëndimor Herat, që tani është nën kontrollin e talibanëve, i tha Radios Evropa e Lirë se ajo dhe dy morat e saj kanë blerë disa burka me ngjyrë të kaltër.

“Ne jemi mësuar që të veshim hixhab, por pasi që situata po përkeqësohet, ne kemi ardhur për të blerë burka. Gratë nuk duan që të veshin burka, por ne duhet t’i veshim ato pasi është bërë e domosdoshme”, ka thënë ajo.

Një grua në Kabul më 7 gusht.<br />
<br />
Edhe pse shumë gra vazhduan të vishnin burka edhe pas rënies së talibanëve më 2001, Shërbimi afgan i REL-it thotë se përdorimi i këtyre veshjeve – të cilat zakonisht kushtojnë midis 2.000-6.500 afganë (28-80 dollarë) kishte rënë dukshëm në vitet e fundit. — 6/11 Një grua në Kabul më 7 gusht.

Edhe pse shumë gra vazhduan të vishnin burka edhe pas rënies së talibanëve më 2001, Shërbimi afgan i REL-it thotë se përdorimi i këtyre veshjeve – të cilat zakonisht kushtojnë midis 2.000-6.500 afganë (28-80 dollarë) kishte rënë dukshëm në vitet e fundit.

Gratë afgane takohen në Kabul më 2 gusht për të diskutuar për abuzimet e pretenduara nga talibanët.<br />
<br />
Shumë gra në Kabul preferojnë që të mbajnë shami të kokës kur janë në publik ose nuk i mbulojnë fare flokët e tyre. Por, me avancimin e talibanëve ato mund të detyrohen që të veshin burka. — 7/11 Gratë afgane takohen në Kabul më 2 gusht për të diskutuar për abuzimet e pretenduara nga talibanët.

Shumë gra në Kabul preferojnë që të mbajnë shami të kokës kur janë në publik ose nuk i mbulojnë fare flokët e tyre. Por, me avancimin e talibanëve ato mund të detyrohen që të veshin burka.

Gratë presin që të hyjnë në një taksi në Kabul më 31 korrik.<br />
<br />
Por, teksa talibanët me shpejtësi po marrin kontrollin e territorit nga forcat qeveritare, duke bërë që edhe liritë e grave të zhduken, çmimet për burka raportohet se janë rritur, veçanërisht në provincën Herat. — 8/11 Gratë presin që të hyjnë në një taksi në Kabul më 31 korrik.

Por, teksa talibanët me shpejtësi po marrin kontrollin e territorit nga forcat qeveritare, duke bërë që edhe liritë e grave të zhduken, çmimet për burka raportohet se janë rritur, veçanërisht në provincën Herat.

Dy gra të veshura me burka në Kandahar më 4 gusht.<br />
<br />
Burkat në Afganistan, shpesh kanë ngjyra në bazë të rajoneve, ku burkat me ngjyrë kafe shpesh vishen në Kandahar, ato me ngjyrë të kaltër janë më të popullarizuara në Kabul, ndërkaq burkat e bardha në pjesën veriore të vendit.<br /> — 9/11 Dy gra të veshura me burka në Kandahar më 4 gusht.

Burkat në Afganistan, shpesh kanë ngjyra në bazë të rajoneve, ku burkat me ngjyrë kafe shpesh vishen në Kandahar, ato me ngjyrë të kaltër janë më të popullarizuara në Kabul, ndërkaq burkat e bardha në pjesën veriore të vendit.

10/11 Persona të zhvendosur nga shtëpitë e tyre në Herat për shkak të luftimeve mes talibanëve dhe forcave afgane.

11/11 Një grua fle, teksa familja e saj u detyrua që të largohej nga Kandahari më 4 gusht.

Zyrtari taliban ka thënë edhe se të gjithë ish-ushtarët qeveritarë, përkthyesit dhe punëtorët tjerë, që kanë punuar me forcat e huaja, janë falur dhe se nuk do të ketë hakmarrje kundër tyre.

"Askush nuk do t'ju lëndojë, askush nuk do të trokasë në dyert tuaja", ka thënë Mujahid.

“Nuk do të strehojmë luftëtarë të huaj”

Zëdhënësi i talibanëve ka thënë përgjatë konferencës se toka e Afganistanit nuk do të përdoret kundër askujt, kur është pyetur nëse ka rrezik të strehimit të luftëtarëve të Al-Kaidës.

“Ne mund ta sigurojmë komunitetin ndërkombëtar për këtë gjë”, ka thënë ai.

Sekretari i Përgjithshëm i NATO-s, Jens Stoltenberg, ka paralajmëruar talibanët se aleanca nuk do të lejojë që Afganistani të bëhet strehë për terrorizëm, pasi militantët kanë marrë pushtetin në fundjavë.

“Ata që tani marrin pushtetin, kanë përgjegjësi për të siguruar se terroristët ndërkombëtarë të mos fitojnë terren”, ka thënë Stoltenberg në një konferencë për media në Bruksel më 17 gusht.

SHIKONI EDHE:

Stoltenberg paralajmëron talibanët të mos kthejnë Afganistanin në strehë për terroristë

Ai ka thënë se ndonëse NATO-ja ka tërhequr forcat nga Afganistani, aleanca do të mbetet në vëzhgim nëse ka shenja që grupet terroriste janë duke u rigrupuar, apo nëse mund të ketë sulme nga distanca.

“Ky ka qenë proces evolucionar”

Zyrtarët talibanë kanë thënë se Afganistani është komb mysliman, qoftë 20 vjet më parë, qoftë tani.

“Mirëpo sa i përket përvojës, maturisë dhe vizionit, natyrisht se ka dallim të madh në mes nesh tani dhe atyre që kemi qenë 20 vjet më parë”, ka thënë Mujahid.

“Ka dallim të madh në vendimet që do të marrim, ky ka qenë proces evolucionar”.

Duke iu përgjigjur pyetjes rreth negociatave për të formuar qeverinë e re, Mujahid ka thënë se talibanët kanë qenë në kontakt me negociatorët Abdullah Abdullah, udhëheqës i Këshillit Kombëtar për Pajtim, ish-presidentin Hamid Karzai dhe Gulbudin Hekmatyar, lider i grupit politik dhe paramilitar, Hizb-e-Islami.

"Talibanët duan qeveri gjithëpërfshirëse, mirëpo brenda vlerave të Islamit”, ka thënë ai.

Mullah Baradar, udhëheqësi i byrosë poltitike të talibanëve, gjatë bisedimeve të paqes në Doha të Katarit më 18 korrik 2021.

SHIKONI EDHE:

Kush është Mullah Baradar – fytyra më publike e talibanëve

Bashkëthemeluesi i talibanëve është kthyer në Afganistan më 17 gusht. Mullah Abdul Ghani Baradar ka arritur në Kandahar – vendin ku është krijuar grupi – nga Katari, ku ka kaluar muaj duke udhëhequr bisedimet me negociatorë për paqe nga Shtetet e Bashkuara dhe më pas Afganistani.

Talibanët kanë pretenduar fitore më 15 gusht, pasi kanë marrë kontrollin e kryeqytetit, Kabulit, pas gati 20 vjetëve të dhënies fund të prezencës ushtarake të forcave të udhëhequra nga Shtetet e Bashkuara.

Fytyrat e talibanëve

1/25 Luftëtarët talibanë duke patrulluar qytetin Farah. (11 gusht 2021)

2/25 Luftëtarët talibanë duke bërë rojë në një pikë kontrolli në Farah. (11 gusht)

3/25 Luftëtarët talibanë duke patrulluar në Farah. (11 gusht)

4/25 Luftëtarët talibanë duke xhiruar një mesazh pas marrjes në kontroll të Pul-e-Kumrit, kryeqytetit të provincës Baglan. (10 gusht)

5/25 Luftëtarët talibanë duke bërë rojë nëpër një rrugë në sheshin "Massoud", në Kabul. (16 gusht)

6/25 Luftëtarët talibanë duke qëndruar në një rrugë të sheshit "Massoud", në Kabul. (16 gusht)

7/25 Një luftëtar taliban duke bërë bërë rojë në sheshin "Massoud", në kryeqytetin afgan. (16 gusht)

8/25 Luftëtarët talibanë duke qëndruar para hyrjes së "Zonës së Gjelbër" në Kabul. (16 gusht)

9/25 Luftëtarët talibanë duke mbikëqyrur një rrugë në Kabul. (16 gusht)

10/25 Forcat talibane bëjnë rojë brenda Kabulit. (16 gusht)

11/25 Forcat talibane duke mbikëqyrur një zonë të Kabulit. (16 gusht)

12/25 Një patrullë e forcave talibane duke lëvizur në një rrugë të Heratit. (14 gusht)

13/25 Luftëtarët talibanë duke bërë rojë në një automjet, pranë një rruge në Kabul. (16 gusht)

14/25 Një pjesëtar i forcave talibane duke inspektuar zonën jashtë Aeroportit Ndërkombëtar "Hamid Karzai" në Kabul. (16 gusht)

15/25 Një pjesëtar i talibanëve (në mes) duke qëndruar jashtë aeroportit të Kabulit. (16 gusht)

16/25 Forcat talibane duke patrulluar në Kabul. (16 gusht)

17/25 Një patrullë e forcave talibane duke lëvizur nëpër Kabul. (16 gusht)

18/25 Një pjesëtar i talibanëve duke bërë rojë teksa njerëzit ecin drejt hyrjes së aeroportit të Kabulit. (16 gusht)

19/25 Një pjesëtar i talibanëve duke qëndruar para objektit të Ministrisë së Brendshme, në Kabul. (16 gusht)

20/25 Luftëtarët talibanë duke mbikëqyrur para objektit të Ministrisë së Brendshme, në Kabul. (16 gusht)

21/25 Forcat talibane duke patrulluar një rrugë, në Herat. (14 gusht)

22/25 Një luftëtar taliban duke ecur drejt një turme, jashtë aeroportit të Kabulit. (16 gusht)

23/25 Një pjesëtar i forcave talibane (majtas) duke qëndruar në një veturë të blinduar, jashtë aeroportit të Kabulit. (16 gusht)

24/25 Mullah Baradar Akhund, zyrtar i lartë i talibanëve, duke dhënë një fjalim, në praninë e një grupi burrash, në një lokacion të panjohur. (16 gusht)

25/25 Mulla Baradar Akhund, zyrtar i lartë i talibanëve, duke folur para kamerës për një video mesazh, në një lokacion të panjohur. (16 gusht)

Qeveria ka rënë dhe presidenti Ashraf Ghani ka ikur nga shteti.

Ende nuk dihet vendndodhja e tij.

Trupat amerikane janë duke kontrolluar aeroportin ndërkombëtar të Kabulit, ndërkohë që banorë të dëshpëruar janë duke tentuar të ikin nga shteti.

Presidenti i Shteteve të Bashkuara, Joe Biden, ka mbrojtur vendimin e tij për tërheqje nga Afganistani duke thënë se “misioni asnjëherë nuk ka pasur për qëllim shtet-ndërtimin”.

"Jam shumë i trishtuar me faktet me të cilat përballemi tani, por nuk më vjen keq për vendimin tim për t'i dhënë fund luftës në Afganistan", tha Biden në një fjalim drejtuar kombit më 16 gusht.

Afganët po fshihen për t’i shpëtuar ekzekutimit nga talibanët

Bashkëngjite

Afganët po fshihen për t’i shpëtuar ekzekutimit nga talibanët

nga Radio Evropa e Lirë

Bashkëngjite

gjerësia px lartësia px

Materiali aktualisht nuk është në dispozicion.

0:00 0:03:03 0:00

"Amerikanët nuk mund dhe nuk duhet të vdesin dhe të luftojnë në një luftë që afganët nuk janë të gatshëm të luftojnë për veten e tyre", ka thënë presidenti Biden.

Sipas tij interesi kombëtar i Shteteve të Bashkuara në Afganistan ka qenë gjithmonë kryesisht në parandalimin e sulmeve terroriste.

Presidenti amerikan ka thënë se Qeveria afgane nuk arriti të dëgjojë këshillën e tij dhe të negociojë një zgjidhje politike me talibanët, duke shtuar se kolapsi i Qeverisë afgane ndodhi shumë më shpejt sesa që kishte pritur administrata e tij.

Forcat e udhëhequra nga Shtetet e Bashkuara kanë rrëzuar talibanët nga pushteti në tetor të vitit 2001.

Talibanët kanë qenë duke strehuar atëbotë Osama Bin Laden dhe figura tjera të Al-Kaidës, të lidhura me sulmet e 11 shtatorit të po atij viti në Shtetet e Bashkaura.

Presidenti amerikan Joe Biden ka thënë se tërheqja amerikane tani është e arsyeshme, pasi forcat amerikane janë siguruar që Afganistani nuk do të bëhet më bazë për xhihadistë të huaj që të kryejnë komplote kundër Perëndimit.