Presidenti ukrainas, Volodymyr Zelensky, ka thënë në një intervistë se Ukraina mund të heqë dorë nga territoret që i ka në kontroll në rajonin e Kurskut, në Rusi, në këmbim të kthimit të tokave ukrainase që i ka në dorë Rusia. Disa qytetarë ukrainas i kanë thënë Radios Evropa e Lirë se e mbështesin idenë, veçanërisht nëse ajo i hap rrugën kthimit të njerëzve në shtëpitë e tyre, përderisa të tjerë kanë shprehur dyshimet e tyre nëse Ukrainës do t’i kthehet territor i mjaftueshëm në një këmbim të mundshëm. (Përgatitën: Trim Haliti dhe Ekrem Fazliu)