Ushtria ukrainase ka publikuar video të një ushtari të kapur nga Koreja e Veriut, i cili tha se ishte mashtruar lidhur me luftimet kundër Ukrainës. Ushtari, identiteti i të cilit nuk është zbuluar, deklaroi se rusët i thanë njësisë së tij se ata do të zhvillonin “trajnime”. Ushtria ukrainase tha se ushtari ishte në grupin e ushtarëve të Koresë së Veriut që u kapën në rajonin rus të Kurskut, të cilin Ukraina që disa muaj e ka zaptuar.