Sulmi në veri: Një polic e tre sulmues të vrarë

24 shtator 2023

Radio Evropa e Lirë

Zyrtari i Policisë së Kosovës, Afrim Bunjaku, është vrarë të dielën në veri të Kosovës.
Policia ka thënë se është sulmuar në fshatin Banjskë të Zveçanit, ku janë plagosur edhe tre zyrtarë policorë.
Si pasojë e sulmeve të vazhdueshme, Policia ka konfirmuar vrasjen e tre sulmuesve dhe arrestimin e gjashtë personave të tjerë.
Autoritetet e Kosovës e kanë fajësuar Serbinë për sulmin, ndërsa Beogradi zyrtar ka thënë se personat e armatosur kanë qenë serbë lokalë të Kosovës.

14:09 24.9.2023

Forca të shumta të rendit në veri...

Gjendja në veri përmes fotografive

1/19 Pjesëtarë të Policisë së Kosovës në një rrugë afër Banjskës.

2/19 Një pikë kontrolli e ngritur nga pjesëtarët e misionit paqeruajtës të NATO-s në Kosovë, KFOR, në rrugën që çon drejt Banjskës.

3/19 Oficerë të Policisë së Kosovës duke vëzhguar afër Banjskës.

4/19 Pjesëtarë të KFOR-it dhe policë të Kosovës duke biseduar në një rrugë afër Banjskës.

6/19 Automjete të Policisë së Kosovës dhe një autoambulancë në një rrugë afër Banjskës.

7/19 Një pjesëtar i Policisë së Kosovës duke dhënë instruksione.

8/19 Një oficer i Policisë së Kosovës duke qëndruar në një rrugë në afërsi të fshatit Banjskë.

10/19 Pjesëtarë të Policisë së Kosovës dhe ushtarë amerikanë të mbledhur në Jashevik.

11/19 Një pjesëtar i Policisë së Kosovës duke qëndruar në një rrugë afër Banjskës.

12/19 Pjesëtarë të Policisë së Kosovës në Jashevik.

13/19 Policë të Kosovës dhe ushtarë amerikanë në Jashevik.

14/19 Policia e Kosovës në rrugën që çon drejt Banjskës.

15/19 Një automjet i Policisë së Kosovës në rrugën afër Banjskës.

16/19 Pjesëtarë të Policisë së Kosovës në veri.

17/19 Dy oficerë të Policisë së Kosovës duke biseduar.

18/19 Shtrëngim duarsh mes pjesëtarëve të Policisë së Kosovës në veri.

19/19 Zyrtarë të Policisë së Kosovës në një rrugë në afërsi të fshatit Banjskë.

13:59 24.9.2023

Lajçak dënon dhunën dhe bën thirrje për kthim në dialog

I dërguari i Bashkimit Evropian për dialogun Kosovë-Serbi, Mirosllav Lajçak e ka dënuar sulmin ndaj Policisë së Kosovës në veri dhe ka thënë se dhuna “e çfarëdo forme është e papranueshme”.

“Kryesit duhet të përballen me drejtësinë. Të gjithë duhet të kthehen në dialog, menjëherë”, ka thënë Lajçak përmes një postimi në X – platformë e njohur më parë si Twitter.

Kosova dhe Serbia janë pjesë e dialogut të ndërmjetësuar nga BE-ja, për normalizim të raporteve, prej vitit 2011.

Palët kanë nënshkruar një mori marrëveshjesh, por jo të gjitha janë zbatuar.

Rundi i fundit i dialogut të nivelit të lartë, i mbajtur më 14 shtator, ka përfunduar pa ndonjë rezultat.

13:54 24.9.2023

Vuçiq i drejtohet pasdite kombit

Zyra për Kosovën në Qeverinë e Serbisë ka thënë se presidenti serb, Aleksandar Vuçiq do t’i drejtohet kombit përmes një fjalimi.

Një konferencë e jashtëzakonshme – e planifikuar për orën 14:00 nga shefi i kësaj Zyre, Petar Petkoviq – është anuluar.

“Presidenti i Serbisë, Aleksandar Vuçiq, do t’i ekspozojë të gjitha gënjeshtrat dhe shakatë e Albin Kurtit, krijuesit të kaosit dhe ferrit në Kosovë e Metohi”, ka thënë Zyra për Kosovën në Qeverinë e Serbisë.

Kryeministri i Kosovës, Albin Kurti e ka dënuar vrasjen e një zyrtari policor të dielën në Banjskë të Zveçanit.

Ai ka thënë se sulmi ka qenë terrorist dhe për të e ka mbajtur fajtore Serbinë.

13:42 24.9.2023

Mbyllet edhe pikëkalimi kufitar Jarinje

Sipas faqes së Ministrisë së Punëve të Brendshme të Kosovës, është mbyllur edhe pikëkalimi i dytë kufitar mes Kosovës dhe Serbisë, Jarinje.

Në mëngjesin e së dielës, është mbyllur fillimisht pika kufitare Bërnjak.

Këto dy pika kufitare janë mbyllur disa herë në të kaluarën, në kohën e rritjes së tensioneve mes Kosovës dhe Serbisë.

Shfaq më shumë