Udhëheqësit e Bashkimit Evropian kanë kërkuar kohë për të reflektuar, pas refuzimit të Kushtetutës së bllokut nga ana e francezëve, në referendumin e djeshëm. Rreth 55 përqind e votuesve në Francë i thanë "Jo" projektit të Kushtetutës evropiane.
Presidenti Jacque Chirac tha se rezultati ka krijuar kontekst të vështirë për mbrojtjen e interesave të Francës në Evropë, dhe paralajmëroi ndryshime të mundshme në qeveri.
Kryetari i Komisionit Evropian, Jose Manuel Barroso, bëri thirrje për të reflektuar ndaj votës franceze. "Kjo do të thotë se kemi një problem serioz. Franca është anëtare shumë e rëndësishme e BE-së, njëra nga themelueset. Nuk mund ta konceptojmë Evropën pa Francën. Tash na duhet pak kohë për të menduar", tha Barroso, duke shtuar se marrëveshja ende nuk ka dështuar.
Ngjajshëm u prononcua edhe kryeministri britanik Tony Blair. "Ajo që tash ka rëndësi është koha për të reflektuar. Pas dy ditësh e kemi referendumin në Holandë, dhe pastaj, nga mesi i qershorit, takimin e Këshillit të Evropës, në të cilin, të gjithë udhëheqësit mund t'i diskutojnë pasojat e votimeve të fundit", tha Blair.
Në Berlin, kancelari gjerman Gerhard Schroeder tha se rezultati i referendumit në Francë është një goditje për procesin, por jo edhe përfundim i tij. "Më ka ardhur shumë keq dhe këtë e kam bërë të qartë. Është detyrë e jona e përbashkët që të sigurojmë se procesi i ratifikimit po vazhdon", tha Schroeder.
Për këtë u shpreh edhe kryeministri i Luksemburgut, Jean-Claude Juncker, vendi i të cilit aktualisht e kryeson Bashkimin Evropian. Ai bëri të ditur se udhëheqësit e BE-së do ta rishikojnë situatën në samitin e tyre të rregullt më 16 dhe 17 qershor.
Deri tash, dokumentin e kanë ratifikuar 9 vende anëtare të Unionit. Edhe tetë referendume janë të caktuara, përfshi atë të Holandës që do të mbahet të mërkurën, ku gjithashtu anketimet flasin për përparësi të kundërshtarëve të dokumentit.
Presidenti Jacque Chirac tha se rezultati ka krijuar kontekst të vështirë për mbrojtjen e interesave të Francës në Evropë, dhe paralajmëroi ndryshime të mundshme në qeveri.
Kryetari i Komisionit Evropian, Jose Manuel Barroso, bëri thirrje për të reflektuar ndaj votës franceze. "Kjo do të thotë se kemi një problem serioz. Franca është anëtare shumë e rëndësishme e BE-së, njëra nga themelueset. Nuk mund ta konceptojmë Evropën pa Francën. Tash na duhet pak kohë për të menduar", tha Barroso, duke shtuar se marrëveshja ende nuk ka dështuar.
Ngjajshëm u prononcua edhe kryeministri britanik Tony Blair. "Ajo që tash ka rëndësi është koha për të reflektuar. Pas dy ditësh e kemi referendumin në Holandë, dhe pastaj, nga mesi i qershorit, takimin e Këshillit të Evropës, në të cilin, të gjithë udhëheqësit mund t'i diskutojnë pasojat e votimeve të fundit", tha Blair.
Në Berlin, kancelari gjerman Gerhard Schroeder tha se rezultati i referendumit në Francë është një goditje për procesin, por jo edhe përfundim i tij. "Më ka ardhur shumë keq dhe këtë e kam bërë të qartë. Është detyrë e jona e përbashkët që të sigurojmë se procesi i ratifikimit po vazhdon", tha Schroeder.
Për këtë u shpreh edhe kryeministri i Luksemburgut, Jean-Claude Juncker, vendi i të cilit aktualisht e kryeson Bashkimin Evropian. Ai bëri të ditur se udhëheqësit e BE-së do ta rishikojnë situatën në samitin e tyre të rregullt më 16 dhe 17 qershor.
Deri tash, dokumentin e kanë ratifikuar 9 vende anëtare të Unionit. Edhe tetë referendume janë të caktuara, përfshi atë të Holandës që do të mbahet të mërkurën, ku gjithashtu anketimet flasin për përparësi të kundërshtarëve të dokumentit.