Sekretari amerikan i shtetit, Colin Powell i premtoi kryenministrit, Branko Cërvenkovski, me të cilin u takua sot, se Shtetet e Bashkuara do të përpiqen për ta ndihmuar Maqedoninë që eventualisht të anëtarësohet në Nato dhe organizatat e tjera evro-atlantike. Ai me këtë rast ka thënë se "ne po punojmë në këtë drejtim" por "ka standarde që duhet të plotësohen për anëtarësim në këto struktura". Kryeministri Cërvenkovski e përshkruajti Maqedoninë si një partner stabil dhe të besueshëm të Shteteve të Bashkuara.
