Agjensitë perëndimore të lajmeve raportojnë se herët në mëngjes, ushtria pakistaneze mbylli aeroportin ndërkombëtar në kryeqytet për rreth 2 orë e gjysmë për qëllime ushtarake. Mbyllja e aeroportit nuk është konfirmuar zyrtarisht. Një funksionar në ministrinë e brendshme tha për agjensinë Reuters se Pakistani ka forcuar kontrollin e vijës kufitare dhe kalimet e njerëzve por nuk i ka mbyllur pikë-kalimet kufitare me Afganistanin. Pakistani është vend fqinj me Afganistanin që besohet se strehon Osama bin Ladenin, njërin ndër të dyshuarit kryesorë për sulmet terroriste kundër Shteteve të Bashkuara.
