Aviacioni amerikan ka bombarduar edhe sot vijat e para të frontit Taliban, në veri të kryeqytetit Kabul, në qytetin jugor Kandahar dhe në afërsi të kufirit me Taxhikistanin, ndërsa forcat opozitare afganase janë gati për një ofensivë të përgjithshme që synon marrjen e qytetit strategjik, Mazar-i-Sharif. Një zëdhënës i talibanëve ka pohuar sot se rajoni Zari në perëndim të Mazar-i-Sharifit kontrollohet nga opozita por përgënjeshtroi raportet për rënien në duart e Aleancës Veriore të dy rajoneve të tjera në veri të vendit. Po sot në Islamabad, zëdhënësi i një grupimi islamik pakistanez, pranoi se nga bombardimet amerikane në qytetin Mazar-i-Sharif, janë vrarë 85 luftëtarë të tyre të rreshtuar në krah të forcave talibane.
