Rreth tridhjetë minuta pas mesnatës është regjistruar një shpërthim, në një parking të një ndërtese në veri të Mitrovicës, njoftoi policia rajonale e Mitrovicës.
Sipas njoftimit, tri automjete kanë pësuar dëme materiale gjatë incidentit.
“Ekzaminimi i vendit të ngjarjes është duke u proceduar nga njësitë përkatëse hetimore të stacionit veri, teknikëve të kriminalistikës dhe njësisë së specializuar për identifikim të mjeteve eksploduese nga radhët e KFOR-it. Hetuesit policorë janë në pritje të raportit ekzaminues të ekspertëve të KFOR-it, për të përcaktuar llojin e mjetit shpërthyes të përdorur në këtë akt kriminal”, thuhet në njoftimin e policisë.
Bëhet e ditur gjithashtu se tashmë kanë filluar edhe hetimet për të zbuluar shkaqet, motivet dhe të dyshuarit e mundshëm të këtij akti kriminal.
Dyshohet se cak i këtij sulmi të ketë qenë automjeti “Audi80” pa targa të regjistrimit, pronë e një qytetari të përkatësisë etnike serbe, i punësuar si staf lokal në EULEX, ndërsa dy automjetet tjera të parkuara afër vendit të ngjarjes, një “Reno clio” dhe “Ford escape”, kanë pësuar dëme më të vogla materiale.
Sipas njoftimit, tri automjete kanë pësuar dëme materiale gjatë incidentit.
“Ekzaminimi i vendit të ngjarjes është duke u proceduar nga njësitë përkatëse hetimore të stacionit veri, teknikëve të kriminalistikës dhe njësisë së specializuar për identifikim të mjeteve eksploduese nga radhët e KFOR-it. Hetuesit policorë janë në pritje të raportit ekzaminues të ekspertëve të KFOR-it, për të përcaktuar llojin e mjetit shpërthyes të përdorur në këtë akt kriminal”, thuhet në njoftimin e policisë.
Bëhet e ditur gjithashtu se tashmë kanë filluar edhe hetimet për të zbuluar shkaqet, motivet dhe të dyshuarit e mundshëm të këtij akti kriminal.
Dyshohet se cak i këtij sulmi të ketë qenë automjeti “Audi80” pa targa të regjistrimit, pronë e një qytetari të përkatësisë etnike serbe, i punësuar si staf lokal në EULEX, ndërsa dy automjetet tjera të parkuara afër vendit të ngjarjes, një “Reno clio” dhe “Ford escape”, kanë pësuar dëme më të vogla materiale.