Një delegacion i përbërë prej tetë anëtarëve të Dhomës së Përfaqësuesve të Kongresit të Shteteve të Bashkuara po qëndron në Serbi, për vizitë dyditore.
Vizita është pjesë e një turneu të gjerë evropian, me qëllim ndërtimin e mbështetjes për integrimin euro-atlantik të rajonit, konsolidimin e shtetit të së drejtës dhe adresimin e çështjeve si siguria kibernetike, thuhet në njoftimin e Ambasadës së SHBA-së në Beograd.
Delegacionin e përbëjnë kongresistët: Bob Gudlet, Xherold Nedler, Xhim Sensenbrener, Tom Marino, Bllejk Farenthold, Shejla Xhekson-Li, Stiv Koen dhe Henk Xhonson.
Kongresistët amerikanë do të takohen me përfaqësues të Qeverisë së Serbisë, deputetë të Kuvendit të Serbisë, si dhe përfaqësues të sektorit privat dhe civil.