Komisionari për Zgjerim i Bashkimit Evropian, Johanes Hahn, njoftoi se ka zhvilluar bisedime sot me presidentin e Kosovës, Hashim Thaçi, kryeministrin Ramush Haradinaj, si dhe me presidentin e Serbisë, Aleksandar Vuçiq, lidhur me zhvillimet e fundit ndërmjet dy vendeve që kanë të bëjnë me taksën e vendosur nga Qeveria e Kosovës për mallrat serbe dhe ato boshnjake.
Përmes një postimi në Twitter, Hahn theksoi se gjatë bisedimeve, është rënë dakord për nevojën urgjente për qetësi në interes të gjithë rajonit.
Spoke to @predsednikrs @avucic, President @HashimThaciRKS, PM @haradinajramush today. We agreed on the urgent need for calm and deescalation, in the interest of the whole region. I offered help to work on rapid, practical solutions for the various trade issues at hand. CEFTA
— Johannes Hahn (@JHahnEU) November 23, 2018
“Bisedova me Vuçiqin, Thaçin dhe Haradinajn sot. U pajtuam për nevojën urgjente për qetësi dhe mospërshkallëzim në interes të gjithë rajonit. U ofrova ndihmën që të punojmë në mënyrë të shpejtë dhe zgjidhje praktike të çështjes së CEFTA-s”, shkruan Hahn.