Propozimi amerikan për prani ruse në bazat e mbrojtjes anti-raketore në Çeki nënkupton inspektorë rusë, por jo ushtarë, tha kryeministri çek, Mirek Topolanek. Ai shtoi se kjo prani nuk do të ishte e përhershme. Lajmi për praninë ruse në bazat e mbrojtjes raketore u bë i ditur nga shefi i Pentagonit, gjatë vizitës në Pragë. Shtetet e Bashkuara do të ngrenë dy baza të tilla në Çeki dhe Poloni.
