I zgjedhuri i Vlladimir Putinit për president të ardhshëm të Rusisë, Dmitri Medvedev është takuar me kandidatin nacionalist dhe pro rus për zgjedhjet presidenciale në Serbi, Tomisllav Nikoliq. Zoti Medvedev tha se e njihte zotin Nikoliq si "mbështetës të përkushtuar të zhvillimit të marrëdhënieve ruso-serbe". Ai theksoi se "në agjendë ka edhe çështje të tjera, përfshirë edhe atë të Kosovës". Javën e kaluar, presidenti Putin dhe zoti Medvedev në Moskë u takuan me kandidatin tjetër për president, Boris Tadiq.
