Ministri i jashtëm i Rusisë, Sergei Lavrov gjatë ditës së sotme në Uashington do të takohet me presidentin amerikan, George Bush dhe me sekretaren e shtetit, Condoleezza Rice. Pritet që njëra nga temat kryesore të këtyre takimeve do të jetë çështja e programit bërthamor të Iranit. Rusia ende nuk ka qartësuar pozicionin e saj lidhur me mbështetjen eventuale të lëvizjeve të Shteteve të Bashkuara për vënien e sanksioneve kundër Iranit nga ana e Këshillit të Sigurimit të Kombeve të Bashkuara.
