Iran: Brenda burgut famëkeq Evin

Korridori brenda burgut Evin të Tehranit shihet në një foto e publikuar më 16 tetor nga agjencia iraniane e lajmeve, Mizan, pas dhunës vdekjeprurëse në objekt.

Flaka dhe tymi që dilnin nga burgu Evin i Teheranit, u panë në disa video online që u publikuan më 15 tetor. Në këto video dëgjoheshin të shtëna armësh dhe shpërthime në zonën e burgut.

Irani është tronditur nga protesta mbarëkombëtare, pas vdekjes së Mahsa Aminit në shtator. Ajo ka rënë në komë disa orë pasi është arrestuar nga policia e moralit më 13 shtator, në Teheran, nën akuzat se ka shkelur rregullat e hixhabit, apo të shamisë së kokës dhe vdiq në spital tri ditë më vonë.

Një dhomë e dëmtuar nga zjarri brenda burgut të Evinit, më 16 tetor.

Të paktën tetë persona thuhet se vdiqën gjatë dhunës në objekt. Është e paqartë nëse zjarri i burgut lidhet me trazirat e shkaktuara nga vdekja e Aminit.

Dëmtime nga zjarri në pjesën e jashtme të burgut.

Një gazetari të Radios Evropa e Lirë iu tha se një trazirë filloi në një repart të burgut ku mbahen të burgosurit politikë. Qindra njerëz të arrestuar për pjesëmarrje në protestat anti-qeveritare ishin dërguar në burg përpara se të shpërthente zjarri.


 

Dëmtime në shkallët, me sa duket, afër murit të jashtëm të burgut Evin. Objekti është i njohur për abuzime të mirëdokumentuara dhe ekzekutime në vend.

Një posteri i yllit argjentinas të futbollit, Lionel Messi, shihet brenda burgut Evin, më 16 tetor.

Kjo foto dhe shumica e të tjerave në këtë fotogaleri janë publikuar nga agjencia e lajmeve, Mizan, e cila është në linjë me politikat e Iranit.
 

Një fotografi e vitit 2009, ku shihet hyrja në burgun e Evinit.

Imazhet brenda burgut janë të rralla dhe fotografimi është i ndaluar në zonën përreth. Në vitin 2003 fotoreporterja Zahra Kazemi u arrestua pasi po fotografonte para burgut. Ajo vdiq më vonë në paraburgim.

Dëmet nga zjarri janë parë brenda burgut Evin, më 16 tetor.

Guvernatori i Teheranit, Mohsen Mansuri, tha se zjarri ishte shkaktuar nga "një përleshje mes disa të burgosurve". Ky pretendim u kundërshtua gjerësisht në mediat sociale iraniane, por mes kufizimeve në internet, shumë detaje rreth dhunës vdekjeprurëse mbeten të paqarta.


 

Një zjarrfikëse e fotografuar jashtë hyrjes së burgut Evin, më 16 tetor.