Helikopterët e epokës sovjetike u bënë mbështetje e afërt ajrore për trupat ukrainase, të cilat janë në kërkim të pozicioneve të rusëve në vijën e frontit pranë Hersonit.
(Përgatiti: Syzanë Paçarizi)
Hakmarrje nga lart: Helikopterët e vjetër ndëshkojnë pozicionet ruse
Një pilot ukrainas duke iu afruar helikopterit të tij në një bazë ajrore të pazbuluar ushtarake në rajonin e Hersonit më 8 janar. Ukraina është mbështetur në helikopterët e epokës sovjetike si Mil Mi-8, Mil Mi-17 dhe helikopterët sulmues Mil Mi24P, në luftën kundër forcave ruse.
Helikopterët Mil Mi-8 të epokës sovjetike u prezantuan në vitet 1960, kryesisht për nevoja transporti dhe kishin disa variante që mund të mbajnë raketa, armë dhe raketa kundërajrore ose antitank.
Një pilot duke bërë inspektimet përfundimtare të helikopterit para se të niset për një mision luftarak. Përveç lodhjes së harduerit, artileria dhe raketat anti-ajrore me shpatulla përbëjnë një kërcënim serioz për helikopterët luftarakë të vjetër të Ukrainës, të cilët duhet të fluturojnë ulët dhe shpejt kur kryejnë operacione sulmi ajror.
Një ushtarak ukrainas duke ngarkuar një raketë. Para pushtimit rus më 24 shkurt, Ukraina kishte afërsisht 50 Mi-8-sha, ndërsa Rusia besohet të ketë pasur rreth 300 sosh.
Shtetet e Bashkuara dhe aleatët e saj në NATO kanë dhuruar helikopterë si pjesë e programit të tyre të ndihmës për Ukrainën.
Një pilot ukrainas duke kërkuar pozicionet e armikut pranë vijës së frontit në rajonin e Hersonit. Me disa përjashtime, avionët e dhuruar janë shpesh të njëjtat modele të epokës sovjetike.
Një pamje nga kabina e raketave të lëshuara në pozicionet ruse në Herson.
Një ushtar ukrainas duke bërë me dorë drejt një helikopteri luftarak që po kthehej nga një mision.