Në Prishtinë ndizen qirinj për nder të viktimave të sulmit në Beograd
Para Teatrit Kombëtar në Prishtinë janë ndezur qirinj për të nderuar viktimat e një sulmi vdekjeprurës më 3 maj në Beograd
Ndezja e qirinjve në Prishtinë u organizua nga organizatorët dhe pjesëmarrësit e festivalit "Mirëdita, dobar dan" që ka nisur më 4 maj në Prishtinë.
“Është një tragjedi që ka ndodhur në një shtet fqinj, domosdoshmërisht na shkakton një traumë, një emocion, një konfuzion, një shok,” tha Kushtrim Koliqi, organizatori i festivalit, "Mirëdita, dobar dan", i cili synon që audienca e Kosovës të ketë mundësinë të njihet me skenën artistike e shoqërore serbe.
"Kjo ngjarje na ka befasuar shumë. Kështu diçka kurrë nuk ka ndodhur. Institucionet kanë dështuar sërish. Duhet e gjithë shoqëria të zgjidhim problemin e posedimit të armëve", tha David Shujdoviq, që kishte dalur për të ndezur qirinj.
Në sulmin e 3 majit në një shkollë fillore në Beograd, u vranë tetë nxënës dhe një rojë.