Savchenko, "bashkëfajtore në vrasje"

Derisa brenda një gjykate në rajonin Rostov në Rusi lexohej vendimi për piloten ukrainase, Nadia Savchenko, jashtë ndërtesës së gjykatës, protestuesit kërkonin dënimin e saj. Savchenko është akuzuar për bashkëfajësi për vrasjen e dy gazetarëve rusë në pjesën lindore të Ukrainës, në vitin 2014. Sipas ligjeve ruse, vendimi nuk është final derisa gjyqtarët ta kryejnë leximin e tërësishëm të tij, por mediat shtetërore të Rusisë leximin e deritashëm e kanë trajtuar si vendim për fajësi. Jashtë sallës së gjykatës, Nikolai Polozov, njëri nga avokatët e Nadia Savchenko, tha se klientja e saj qëndron duke e injoruar leximin e vendimit. Prokurorët kanë kërkuar dënim me burg në kohëzgjatje 23 vjet. Nadia Savchenko i ka hedhur poshtë të gjitha akuzat.