Një spital për luftëtarët sirianë

Abu Hamza, nga Aleppo, ndodhet në spital që tre muaj, që nga koha kur i mori lëndimet në këmbë. Djaloshi 21 vjeçar thotë se ishte viktimë e sulmeve ajrore të Rusisë.
 

Një dhomë e zbrazët në spitalin e improvizuar, pasi luftëtarët e Ushtrisë së Lirë Siriane shkuan për trajtim në një qendër mjekësore të qeverisë turke. Fotografi Petr Shelomovskiy thotë se, pavarësisht se nuk e njohin zyrtarisht spitalin e improvizuar, autoritetet turke kanë njohuri për ekzistimin e tij.
 

Abu Alwaled Altefy është nga Aleppo. Djaloshi 23 vjeçar tregon se është lënduar rëndë para 18 muajve, gjatë luftimeve me forcat qeveritare siriane. Pjesët metalike pritet t’i largohen së shpejti nga këmba, por ai kurrë më nuk do të jetë në gjendje të ecë normalisht.
 

Abu Hamza duke u larguar nga spitali i improvizuar për trajtim në spitalin e qeverisë turke në Kilis.
 

Abu Bashir është nga Aleppo. 38 vjeçari tregon se ai ishte duke shpërndarë bukë, në dalje të një furre, kur bombat ruse e goditën atë. “Pas pesë viteve luftë, mund të tregoj se aeroplanët e kujt janë. Kur bëhet fjalë për ata rusë, dëgjohet vetëm zhurma…ti nuk i sheh ata, dhe janë disa aeroplanë në të njejtën kohë. Nëse janë burra, le të vijnë e të luftojnë me neve. Pse po lëshojnë bomba?”
 

Një luftëtar lutet, derisa është i ulur në një karrige të plastikës. Këmba e lënduar ia pamundëson atij që të gjunjëzohet.
 

Muhammed, 23 vjeçar, thotë se është lënduar para pesë mujash në Aleppo, nga një plumb i ushtrisë siriane.