Bekim Bislimi është gazetar i Radios Evropa e Lirë në Prishtinë.
Bankat komerciale në Kosovë kanë ngritur normat e interesit për kredi. Ekspertët e çështjeve ekonomike kanë reaguar ndaj kësaj ngritjeje, duke vlerësuar se një gjë e tillë do të prodhojë efekte negative ndaj bizneseve dhe zhvillimit ekonomik të Kosovës.
Dita Botërore e Teatrove është shënuar edhe në Kosovë. Në Teatrin Kombëtar në Prishtinë, janë ndarë disa çmime vjetore për artistët e teatrit. Megjithëkëtë, drejtuesit e teatrit dhe dramaturgët kanë vlerësuar se gjendja në teatrot kosovare dhe e artistëve të teatrit nuk është e lakmueshme.
Mundësia e fillimit të dialogut social në Kosovë po përcillet me debate dhe polemika mes subjekteve që përfaqësohen në Këshillin Ekonomik-Social, për shkak të numrit të anëtarëve që do t’i përfaqësojnë ato. Bashkimi i Sindikatave të Pavarura të Kosovës vlerëson se përfaqësimi i saj është i varfër dhe konteston përfaqësimin e Konfederatës së Sindikatave të Lira të Kosovës, e cila thotë se i ka përmbushur kriteret për përfaqësim. Ndërkaq, Nenad Rashiq, ministër i Punës dhe Mirëqenies Sociale në Qeverinë e Kosovës, vlerëson se përfaqësimi është real.
Serbët e veriut të Kosovës kundërshtojnë zgjedhjet e paralajmëruara nga institucionet e Kosovës në komunën e re në veri të Mitrovicës. Ata thonë se do të marrin pjesë në zgjedhjet e paralajmëruara nga Beogradi për 30 maj.
Në përvjetorin e gjashtë të trazirave të marsit të vitit 2004, zyrtarët e lartë të Ministrisë së Kulturës, Rinisë dhe Sportit thonë se procesi për rindërtimin e tërësive fetare ortodokse, të dëmtuara gjatë këtyre trazirave, është në fazën e fundit.
Sipas rezultateve preliminare të publikuara nga Komisioni Qendror i Zgjedhjeve, kandidati i Partisë Demokratike të Kosovës, Qemajl Mustafa, ka fituar zgjedhjet e përsëritura për kryetar të komunës së Gjilanit.
Agjencia Kosovare e Privatizimit (AKP) ka hapur ofertën për valën e 42-të të privatizimit të ndërmarrjeve shoqërore. Në anën tjetër, ekspertët për çështje të ekonomisë vlerësojnë se procesi i deritashëm i privatizimit nuk e ka nxitur zhvillimin ekonomik të Kosovës.
Kredia prej 20 milionë dollarësh, të cilën e ka fituar Kosova nga Banka Botërore, paraqet një moment të rëndësishëm dhe një shenjë se Kosova po hyn në një fazë të re të raporteve me këtë bankë, thonë ekspertët e ekonomisë.
Pavarësisht se zbatimi i strategjisë për integrimin e veriut të Kosovës mund të ndikojë në ndryshimin dhe përmirësimin e jetesës së njerëzve në këtë hapësirë, ai do të jetë vështirë i pranueshëm për serbët, thonë përfaqësues të këtij komuniteti.
Zyrtarë qeveritarë thonë se ka filluar zbatimi i strategjisë kombëtare kundër narkotikëve, përkundër vërejtjeve në raportin vjetor të Departamentit Amerikan të Shtetit, ku thuhet se në Kosovë ka shenja të rritjes së tregut vendor të narkotikëve.
Analistët e çështjeve politike në Prishtinë dhe Beograd vlerësojnë se thirrjet e ministrit të Punëve të Jashtme të Francës, Bernard Kushner, për dialog ndërmjet Kosovës dhe Serbisë, kanë bazë reale, për shkak se të dyja vendet synojnë integrimin në BE.
Politikanët serbë të veriut të Kosovës kundërshtojnë shtimin e pranisë së Policisë së Kosovës në atë pjesë, duke e quajtur si tentim, që, përmes policisë, të zbatohet strategjia për veriun, por edhe dëshirë për t’u konfrontuar me serbët.
“Beogradi nuk ka guxim ta thotë atë që është reale. Kjo është mungesë e guximit dhe jo mungesë e perceptimit se çka po ndodh në të vërtetë”, thotë politikania serbe, Rada Trajkoviq. Këto komente vijnë pasi që Beogradi zyrtar kundërshtoi strategjinë, duke thënë se "zbatimi i saj është i papranueshëm jo vetëm për veriun, por për gjithë Kosovën".
Federata e Tenisit të Kosovës dhe zyrtarët e Ministrisë së Kulturës, Rinisë dhe Sportit kanë reaguar ndaj vendimit të Bordit Menaxhues të Tenisit Evropian për mospranimin e Kosovës në këtë mekanizëm evropian të sportit.
Pagat mesatare në Kosovë janë të nivelit të ulët, ndërkohë që ato janë në shpërputhje të madhe me pagat në disa institucione të larta të Kosovës dhe në disa ndërmarrje publike, vlerësojnë ekspertë të çështjeve ekonomike dhe sociologë në Kosovë.
Korporata Energjetike e Kosovës fton serbët e veriut t’i shpërfillin faturat e energjisë elektrike nga kompanitë, që s'janë të regjistruara në vend. Por, për përfaqësuesit e serbëve, kërkesa e KEK-ut ka prapavijë politike.
Grupi Punues për Personat e Pagjetur, i përbërë nga delegacionet e Prishtinës dhe Beogradit, me ndërmjetësimin e Komitetit Ndërkombëtar të Kryqit të Kuq, do të takohet të premten në Beograd. Në këtë takim do të shkëmbehen informacione për zbardhjen e fatit të personave të pagjetur.
Përfaqësuesit e komunitetit të artistëve në Kosovë shfaqin druajtje nga dukuria e akulturimit në Kosovë. Megjithatë, ata kanë mendime të ndryshme lidhur me çështjen se a është duke ndodhur kjo dukuri, apo janë vetëm tendenca për një gjë të tillë.
Strukturat komunale në Graçanicë, të dala nga zgjedhjet e 15 nëntorit, përballen me mungesë të objektit komunal. Qytetarët e Graçanicës thonë se kërkojnë shërbime nga këto struktura, por edhe nga ato të institucioneve të Serbisë.
Ngritja eventuale e tarifave të energjisë elektrike në Kosovë, do ta thellonte gjendjen e rëndë sociale, vlerësojnë përfaqësuesit e bizneseve, ekspertët e ekonomisë dhe sociologët. Ata kundërshtojnë kërkesën e Korporatës Elektro-energjetike të Kosovës për ngritjen e tarifave për energjinë, duke theksuar se në rrethanat ekzistuese sociale në Kosovë, është e rrezikshme të ndërmerret një hap i tillë.
Shfaq më shumë
