Zyrtarë të sigurisë në Irak kanë njoftuar se sot, nga një shpërthim në një lagje të Bagdadit, janë vrarë së paku 30 vetë dhe më se 50 të tjerë janë plagosur. Shpërthimi ka ndodhur në një lagje të banuar kryesisht me popullatë shiite. Nga Iraku poashtu raportohet se në luftimet në provincën Anbar mbrëmë është vrarë një ushtar amerikan. Kështu, numri i pjesëtarëve të ushtrisë së Shteteve të Bashkuara të vrarë në Irak, gjatë këtij muaji, arriti në 100.
